Haurrei zuzendutako Gabonetako egitaraua prestatu du Abaraxkak
Hainbat elkarterekin elkarlanean bihartik urtarrilaren 3ra bitartean prestatu dituzte jarduerak.
Abaraxka ludoteka ibiltariak Gabonetako egitarau berezia prestatu du bihartik urtarrilaren 3ra bitartean. Zenbait jarduera bere kabuz prestatu dituen arren, beste batzuk herriko elkarteekin elkarlanean antolatu ditu, hala nola, Soinuenea Fundazioa, Oiartzungo Antzerkizale Taldea, Olentzeroren Laguntzaileak… Gabonetako eskaintza Abaraxka ludotekako bazkide ez diren haurrentzako ere bada.
Egitaraua:
- Bihar: Kalejira Arditurriko aparkalekutik txondorrera, 17:00etan hasita.
- Hilak 22: Erreportariak gara Abaraxka ludotekan, 17:00etan.
- Hilak 23: Arbasoen deiak ezagutzen Doneztebe plazan, 17:00etan.
- Hilak 24: Mari Domingi eta Olentzeroren etorrera Doneztebe plazan, 17:00etan.
- Hilak 26: Erromeria eta taloak, Doneztebe plazan, 17:00etan.
- Hilak 27: Dejaburen Azken portua antzezlanaren emanaldia, udaletxeko areto nagusian 17:30ean.
- Hilak 29: Puzgarriak, Elorsoro kiroldegian 11:00etatik 13:00etara eta 16:30etik 19:00etara.
- Hilak 30: Hartza izan nahi zuen mutikoa film emanaldia udaletxeko areto nagusian, 17:00etan.
- Urtarrilak 2: Hodei magoa eta Tiritatxo, udaletxeko areto nagusian, 17:00etan.
- Urtarrilak 3: Errezeta trukea, Abaraxka ludotekan, 17:00etan.
