Xanju Kirol Kluba sortu dute Donibanen, kirolzaleentzat
Ostiralean aurkeztuko dute klub berria; txirrindularitzan, atletismoan eta triatloietan dabiltzanak federatuko dituzte.
Kirolaren praktika sustatu asmoz, klub berria eratu berri dute Donibanen, Xanju Kirol Kluba izenarekin. Ostiralean aurkeztuko dute kluba, Meipin. Arduradunek jakinarazi dutenez, kirol praktikatzen duten guztien bilgune izan nahi dute, “ohiko kirolariena zein tarteka praktikatzen dutenena, zaleena, profesionalena zein amateur eran dabiltza lagunena”. Era berean, txirrindularitzan, atletismoan zein triatloietan dabiltzan guztiak klubaren izenarekin federatzeko aukera izango dutela jakinarazi dute. Horrez gain, tarteko entrenamendu saio kolektiboak antolatuko dituztela iragarri dute. Azkenik, hala nahi dutenek kirol jantzi pertsonalizatuak eskatzeko aukera izan dezaten katalogoa prest dutela jakinarazi dute, “klubeko kideek parte hartzen duten kirol probetan erabil ditzaten”. Herritarrei ostiraleko aurkezpenera joateko gonbitea luzatu diete, “herrian jaio berri den proiektuaren berri izan dezaten”.
