Dendari bat aizkora batekin ustez mehatxatzeagatik gizon bat atxilotu du Ertzaintzak
Alabergako denda batean sartu zen atxilotutakoa, eta edari alkoholdun bat eskatu zuen. Dendariak esan zion han ez zutela horrelako edaririk saltzen, eta orduan atera zuen aizkora, dendariaz gain, bezero bat ere mehatxatu zuen. Iztietan atxilotu zuten gero.
Ertzaintzak jakinarazi duenez, 43 gizon bat atxilotu zuten atzo, dendari bat aizkora batekin mehatxatzea eta lapurreta egotzita. Iturri beraren arabera betiere, 20:30 inguruan jaso zuten abisua. Alabergako denda batean sartu zen atxilotutakoa, eta edari alkoholdun bat eskatu zuen. Dendariak esan zion han ez zutela horrelako edaririk saltzen, eta orduan atera zuen aizkora, dendariaz gain, bezero bat ere mehatxatu zuen. Sakelakoa emateko eskatu zion, baina bezeroak aizkora kentzea lortu zuen. Ihes egin baino lehen, spray bat atera eta margoa lokalean bota zuen. Kanpoko ibilgailu bat ere zipriztindu zuen.
Pixka bat beranduago, patruila batek Iztietako Irun kalean topatu eta atxilotu egin zuten. Poliziekiko jarrera erasokorra mantendu zuela esan dute. Epailearen eskuetan utzi dute gaur goizean. Atzokoaz gain, beste sei aldiz atxilotu dute gizona.
