Hileta zibilak egiteko aretoa egokituko du udalak
Errenteriako Udala ordenantza prestatzen ari da hileta zibilak zein bestelako ekitaldi, agur edo omenaldiak egiteko. Gabierrotako zaharren etxeko Añarbe aretoan izango dira.
Errenteriako Udala ordenantza prestatzen ari da hileta zibilak zein bestelako ekitaldi, agur edo omenaldiak egiteko. Hirigintza komisioan aztertu dute ordenantza, eta hilabeteko epea zabaldu dute taldeek ekarpenak egiteko.
Jon Txasko Ongizate zinegotziaren arabera, “gizartean aniztasun ideologiko, erlijioso eta kulturala da nagusi, etengabe aldatzen ari dena, eta balioa ematen zaie aniztasun horrek eskaintzen dizkigun balioei”. Bere esanetan, etengabeko aldaketa horrek eskaera berriak eragin ditu, hala nola, hileta zibilena. “Erakundeok askatasun ideologiko, kultural eta erlijiosoa dugu”, gaineratu du Txaskok, eta horregatik otsaileko osoko bilkurara eramango dute ordenantza.
Hileta zibilak edo omenaldiak egiteko lokalak utziko ditu udalak, eta horiek arautuko ditu. Ekitaldiak egiteko Gabierrotako zaharren etxeko Añarbe aretoa atonduko dute, eta bertan horrelako ekitaldietarako azpiegitura egongo da: proiektorea, pantaila, ordenagailua eta abar. Ordenantza behin onartuta, aretoa erabiltzeko prozedura erraza izango da. Datuak eman ondoren —ordenantzan zehaztuko dituzte—, eskaera egin duenari lokala hutsik dagoen ala ez adieraziko diete. Ekitaldiak egiteko ordutegia honakoa izango da:
Ferradas, Txasko eta Diez
- Astelehenetik ostiralera: 17:00etatik 21:00etara.
- Larunbatetan eta jaiegunetan: 12:00etatik 14:00etara, eta 17:00etatik 21:00etara.
