Okupazioa, Oiartzungo Hitza ta Pitza egitasmoaren gai berria
Ostiralean egingo dute egitasmoaren barruko bigarren saioa. Okupazioak zer den azaltzeko hainbat gonbidatu izango dira.
Ostiralean (hilak 30), Oiartzungo gazteak berriz ere bilduko dira ostiralean, Hitza ta Pitza egitasmoaren barruan, gai zehatz bati buruz hitz egiteko: okupazioa. 18:00etan jarri dute hitzordua, plazan. Topagunearen izenburu zehatza da Bizi eredu berriak: okupazioa.
Bilgunearen helburua da okupazioaren mugimendua ezagutzea, horren barruan dauden mugimendu ezberdinen berri izatea, eta hurbileko kasuak ezagutzea, “denok al dakigu zertan datzan bizi eredu horrek? Nolakoa da okupen egunerokoa? Zein urrats egin behar dira eraikin bat okupatzeko?”; galdera horiek erantzuten saiatuko dira herriko gazteak. Horretarako hainbat gonbidatu izan direla aurreratu dute egitasmoaren bultzatzaileek.
