Kolorez bete dute ikasleek Lezoko Inauteria

Euskaldunak eta balea ikuskizuna eta Euskal Inauteria nagusi Lezon

Euskaldunak eta balea

Euskaldunak eta balea ikuskizuna antzaztu dute Bekoerrotan Lezo Herri Eskola eta Institutuko ikasleek

Euskaldunak eta balea aukeratu dute Lezo Herri Eskolak eta Institutuak Inauteri jaia egiteko eta Euskal Inauteria Pasaia-Lezo Lizeoak. Bekoerrotan bildu dira lehenak emanaldi koloretsua eskaintzeko. Arrantzaleak, baleak, saregileak, arraunlariak denetarik izan dute, baita itsasoa irudikatzeko ur tantak ere. 10:30ak pasatxo zirela hasi dira heltzen  Lezo Herri eskolako txikienak kiroldegira eta berehala hasi dute ikuskizunaren emanaldia. San Juan, Hibaika eta San Pedroko arraunlariz mozorrotu dira HH 4ko ikasleak eta traineru eta guzti estropada eskaini diete bertan bildu direnei. Ikurriña ere ez da falta izan eta irabazleak, San Juango trainerukoak gaurkoan, jaso dute publikoaren zaparrada artean. Gurutze Santuaren plazan, Euskal Inauteria 11:00etan hasi dira Pasaia-Lezo Lizeoko ikasleak emanaldiarekin. Euskal Inauteriaren dantzak egin dituzte Gurutze Santuaren plazan eguraldiak lagunduta eta hamaika kolorez bete dituzte bazterrak. Trapujalez jantzita iritsi dira Lizeotik plazara eta irudi koloretsua utzi dute ikasle eta irakasleek bertan. Hamaiketakorako eta trapu jolasetarako tartea ere hartu dute, dantza saioak amaituta. [nggallery id=3]
Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.