Korri, Xalto ta Brinkok hamabost urte bete dituzte irriak marrazten

Bekoerrotan egingo den Markelen Irria Egunean izango dira Lezoko hiru pailazoak larunbatean

2015/02/24

Trapujale ikuskizuna irudian. Lezoko pailazoen lehena.

Babarrun jate baten bueltan sortu zen Korri, Xalto ta Brinko pailazo taldea sortzeko ideia. 1999. urtea zen, eta proiektua egi bihurtu zutenetik hamabost urte bete dituzte oholtzaz oholtza haurren aurpegietan irriak marrazten. Xaltok, Mikel Susperregik, ongi baino hobeto oroitzen du Brinkok sudur gorria jarri eta “pailazo talde bat egingo dugu” esaldia bota zuenekoa. Enbido hari, Xaltok ordagoa bota omen zion, “eta bion artean Korri sartu genuen saltsa honetan”, esan du Susperregik. Haur eta gazteen aisian eta heziketan eskarmentu handia zuten hirurek: “Esperientzia hori guztia jarri genuen egitasmoan, euskara erdigunean jarriz, noski. Asmoa Lezoko pertsonaiak eta istorioak zabaltzea zen”. Trapujale, lehen emanaldia Trapujale izan zen hiru pailazoen lehen lana, 2000. urtekoa. Trapujalerekin batera, Mari Nazkane, Zirikuak eta Lezoko Inauteria txertatu zituzten ikuskizunean, horiek haurrei ezagutarazteko asmoarekin. Herriko olinpiadetan heldu zen gero. Saio horretan Lezon urte batzuetan hain arrakastatsuak izan ziren herri olinpiadetaz aritu ziren. Zabarre ikuskizunean, berriz, Lezoko pirata hartu zuten ardatz. Ondoren iritsi ziren, Show berria prestatzen, Artista bat naiz ni, Kantari, Esketx ederrena, eta Dantzan ikuskizunak. Ipuingintza eta diskoak Ikuskizunekin batera haurrei begira bestelako lanketak egin dituzte hamarkada eta erdian. Nerabezarora ikuskizun horiekin guztiekin

Dantzan diskako argazkietako bat.

hamar ipuinez osatutako Ixerka bilduma eta Kantari eta dantzan diskoekin iritsi dira. Markelen aldeko jaialdian Urteurren berezirako hitzordu berezia aukeratu dute Korri, Xalto ta Brinkok. Larunbatean, Bekoerrota kiroldegian eta 16:30etik aurrera egingo den Markelen Irria Egunean izango dira, Markelekin batera. Bertan, hasteko, Markel Merinoren gaixotasunaren gaineko azalpenak emango ditu aditu batek; ondoren Marsel Magoak hartuko dio txanda. Korri, Salto ta Brinkok emanaldia egingo dute ondoren, “orain hamabost urteko lehena bezala, Bekoerrotan, eta oholtzarik gabe”. Sorpresatxoa izango dela aurreratu du gainera, Xaltok. Eskulanak eta aurpegia margotzeko aukera ere egongo da, baita zozketak nahiz elkartasun pintxo-potea ere. Elkartasun jaialdirako sarrerak bost euroan daude salgai Lezoko Sorgin tabernan, eta Errenteria-Oreretako Xuxurla dendan, Kerala tabernan, eta Ainhoa Garcia ile-apaindegian.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Korri, Xalto ta Brinkok hamabost urte bete dituzte irriak marrazten

Gipuzkoa

Maixabel Lasari emango diote aurten Gipuzkoako Urrezko Domina

Hondarribiko Udalak kereila penal bat aurkeztu du Zaldunborda auziko dokumentazioa iker dadin

Xabier Morras, margoz emandako lekukotasuna

Yurrita e Hijoseko hamabi langile kaleratu dituztela salatu dute

Jarindo parke eolikoa egiteari uko egin dio Green Capital Powerrek

Bergarako eta Zarauzko IATetako lan gatazkan esku hartu dezala eskatu diote Jaurlaritzari

‘Superra’-ren aurrestreinaldia Azpeitian egingo dute, hilaren 28an

Xabi Alonsoren Igeldoko txaleta legezkoa dela ebatzi du EAEko Auzitegi Nagusiak

Irungo atxilotuen kasua «Poliziaren jukutriatzat» jo du Askek

Eusko Jaurlaritzak Bentaberriko babes ofizialeko 510 etxebizitzak erosiko dizkio Blackstone funtsari

Jon Insaustik esan du Donostian atzo etxegabetu behar zuten familiari «bizitoki bat» eskainiko diotela

Donostiako Antondegi eremuak landa izaerari eutsi behar diola defendatu du Antondegi Berdeak

Gipuzkoako baso suhiltzaileek salatu dute foru aldundiak zenbait zerbitzu eten dituela, baso suteen «arrisku handiko» sasoi betean