Karla Lekuonako 'milagrua'

Oiartzunen gizonen talde nagusiak Durangoren kontra jokatuko du bihar

Karla Lekuona bete egin behar da bihar etxekoak animatzeko

Karla Lekuona bete egin behar da bihar etxekoak animatzeko

Hirugarren Mailako azkena da Oiartzun Kirol Elkartearen gizonen talde nagusia, Hirugarren Mailakoa. Nabarmen gainera: 13 puntu dituzte, eta sasoi osoan zehar, 26 jardunaldi jokatu direnean, bi garaipen soilik lortu dituzte. Bihar (16:15, Karla Lekuonan). bosgarren postuan dagoen Durango jasoko dute oiartzuarrek. Hiru puntuak ezinbestekoak dira mailari eusteko borrokan. Maiatzaren 16-17an (larunbata edo igandea) jokatuko du liga honetako azken partida Oiartzunek, Karla Lekuonan, Santutxu taldearen kontra. Seinale ona izango da partida hori garrantzitsua izatea, ez izatea tramitezkoa, horrek esango baitu ez jaisteko borroka bizi-bizian dagoela Oiartzun. Kote Camacho sortzaile oiartzuarra egunotan Atxuriko milagrua film laburra grabatzen egon da herrian. Maiatzaren erdialdeko egun horietan, HITZA-k nahiko luke Oiartzunen kronika izenburu honekin titulatu: Karla Lekuonako milagrua. Horrek esan nahiko luke Hirugarren Mailakoa izango dela hirugarren urtez jarraian Oiartzun. Lehen urratsa bihar eman behar du, Durangori irabazita. Liga bukatu arte 36 puntu daude jokoan. Denak ez, baina gehienak lortu beharko lituzke milagrua egi bihurtzeko. Emakumeak Athletici aurreko jardunaldian etxean 4-0 irabazi eta gero, Aragonesa emakumeen Bigarren Mailako azkenaren kontra jokatuko du Oiartzunek, etzi, 11:30ean. Irabazteko, beraz, lidergoari eusteko arazorik ez lukete izan behar oiartzuarrek. Oiartzuarren beste kirol partidak

FUTBOLA

Gizonen Lehen Erregionala, Igoera Fasea
  • Ilauri-Oiartzun (igandea, 12:00etan, Donostiako Herrerako zelaian)
Emakumeen Erregionala, Txapeldunen Fasea
  • Intxaurdi-Oiartzun (igandean, 13:30ean, Karla Lekuonako bigarren zelaian).
Gizonak, Gazteak Ohorezko Maila
  • Oiartzun-Santo Tomas Lizeoa (larunbatean, 16:15an, Karla Lekuonako bigarren zelaian).
Gizonak, Gazteak Lehen Maila
  • Oiartzun-Beti Ona (larunbatean, 18:15ean, Karla Lekuonako bigarren zelaian)

ARETO FUTBOLA

Gizonen Gipuzkoako Lehen Maila
  • Oiartzun-Ventanas ISU (larunbatean, 17:30ean, Elorsoro kiroldegian).
Gizonen Gipuzkoako Bigarren Maila (Oiartzungo derbia)
  • Miren Taberna Baobab-Power Rangers (ostiralean, 20:30ean, Elorsoron).

SASKIBALOIA

Gizonen Gipuzkoako Bigarren Maila
  • Andraitz-Oiartzungo Saskilagunak (larunbatean, 16:00etan, Legazpiko Bikuña kiroldegian).
   
Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.