Lesoinuk musikaz beteko ditu bazterrak hogeita bederatzigarrenez

Ostiralean hasita maiatzaren 17a arte hamaika ekimen antolatu ditu Tomas Garbizu Musika Eskolak

2015/03/09

Lesoinu

Lesoinu, Aste Pedagogiko Musikala, hasiko da ostiralean eta urtero bezala musikaz gozatzeko aukera izango da Lezoko areto eta baita kaleetan ere. Xanti Espina, musika eskolako zuzendariak eta Mikel Arruti Kultura eta Euskara zinegotziak aurkeztu dute gaur Lesoinuren hogeita bederatzigarren aldia. Harro eta pozik aurkeztu gainera, “musika zikloak duen izaera pedagogikoagatik eta musikazale guztiei zuzenduriko ekimena delako”. Egitarau oparoa prestatu dute maiatzaren 17a bitartean eta baita anitza ere, “askotariko ikuspegitatik musika bizi duten guztiei zuzendutako zikloa delako”, esan du Arrutik. Musika eta pedagogiaren arteko fusioaz aritu da berriz, Espina, aurten ere hori izango delako egitasmoaren ardatza: “Musikari esanahi pedagogikoa eman eta herritar guztiek, bereziki musika eskolako ikasleek, disziplina eta ikuspegi ezberdinetako musika ekimenez gozatzeko aukera izatea da Lesoinuren helburu nagusia”. Francesc Pugesen saioak Donostiako Musika eta Dantza Eskolako Big Band taldeak emango dio hasiera aste pedagogikoari. Beste gonbidatu bereziak ere izango dituzte, Zaragozako Schola Polifónica y Camerata La Paz abesbatza hain zuzen ere. Lehen aldiz izango da Lesoinun gainera, Fracesc Puges Suarez musika irakasle kataluniarra. Bi saio egingo ditu Puigek, irakasleentzat bata eta ikasleentzat bestea. Martxoko programazioa amaitzeko ebrriz, Errenteria Musikaleko Orkestrak kontzertua emango du.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Lesoinuk musikaz beteko ditu bazterrak hogeita bederatzigarrenez

Gipuzkoa

Gipuzkoako zahar etxeetako langileek «propaganda» egiteari uzteko eta baliabideak jartzeko eskatu diote aldundiari

Donostiako Udalak 502 milioi euroko aurrekontua aurkeztu du 2027rako, %1,2 handiagoa

Tsai Ming-Liang zinemagilearen erakusketa bat ireki du Tabakalerak, ibili ahala inguruari erreparatzeko

Pasaiako portuan saihesbide bat egitearen alde agertu dira alderdiak, titulartasunaren gatazkak gorabehera

30 urte bete ditu Eibarko Portaleak, eta «erakusketa handi bat» hartuko du ostiraletik aurrera

Hasi dira Escalerillas eraisten

Bihar irekiko dute Morlansko tunela, oinezkoentzako ere atonduta