Lezoko industrialdeetako segurtasuna handitu egin da

Bertako enpresek eta Oarsoaldea Garapen Agentziak gaiaz hitz egiteko batzarra egingo dute etzi

2015/03/09

Lezoko Sagasti industrialdearen sarrera

2012an gertatu ziren hainbat lapurretaren harira, segurtasun zainketa zerbitzu partekatua abian jarri zuten Lezoko Gaintxurizketako bi industrialdetan, 103 eta 110 industrialdetan zehazki. Zerbitzu horren emaitzak onak izan direla jakinarazi du Oarsoaldea Garapen Agentziak, eta horren gaineko gogoeta egiteko batzarra egingo dela adierazi du, hilaren 11n (asteazkena), 18:30ean, Lezoko Gezala Auditoriumean. Segurtasun eta zainketa zerbitzua partekatua da, enpresen, garapen agentziaren, Lezoko Udalaren (Udaltzaingoaren bitartez) eta Ertzaintzaren artekoa. Urtebete igaro da abian jarri zenetik, eta emaitzak onak izan dira, “hainbat lapurreta ekintza saihestea lortu da”. Horrela, bi poligonoen sarreretan kontrol-garitak jarri dituzte, eta udaltzainek nahiz ertzainek maiz egiten dituzte errondak bertatik. Garapen agentziak, bertako lehendakari Amaia Agirregabiriak esan duenez, begi onez ikusten du eskualdeko enpresen ekimenez aurrera eraman den esperientzia hori, emaitzak eman dituelako. Horrela, etziko batzarraren helburua izango da zerbitzua kotsolidatu eta hobetzeko tresnen gainean hitz egitea. Oarsoaldeak esan duenez, Gipuzkoa mailan zerbitzu “berritzaile eta arrakastatsua” da zaintzarena, eta herrialdeko beste poligonoetan ere aplika daiteke. Izan ere, segurtasun horrek egun lanean dauden enpresen jarduera errazteaz gain, kanpokoak ere erakar ditzake.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Lezoko industrialdeetako segurtasuna handitu egin da

Gipuzkoa

Gipuzkoako Foru Aldundiak aitortza egin die Lourdes Herrastiri eta Paco Etxeberriari, memoria demokratikoa berreskuratzen egindako ekarpenagatik

Triangulo de Amor Bizarro, Shego, The Sadies eta Marte Lasarte izango dira Bolo-Bolo Weekend jaialdian

Donostiako Udalak hogei lanpostuko lan deialdi publiko bat egingo du

Donostiako Metropolitan gimnasioko langileek negoziazioaren «blokeoa» salatu dute

Orio tentsio handiko eremu izendatzeko prozesua abiatzea onartu du Eusko Jaurlaritzak

Gizon bat hil da Anoetan, trenak harrapatuta

Donostiako Bagera euskaltzaleen elkartea omenduko dute piratek

Gipuzkoako Soziometroaren arabera, EH Bilduk irabaziko lituzke foru hauteskundeak, baina EAJk eta PSE-EEk gehiengo osoa lortuko lukete

BDZk salatu du Gipuzkoako enpresa batek eraikuntzako 3,68 tona material esportatu dituela Israelera

Erromatarrak bueltan dira