Tulleko bi artisten erakusketa zabalduko dute ostiralean, Merkatuzarren
Okzitaniako hiriarekin mende laurdeneko senidetzea ospatzeko antolatu dute erakusketa
Jacques Tramont eta Didier Christophe artisten erakusketa zabalduko dute ostiralean, Merkatuzarren. Bi artistak Tullekoak (Okzitania) dira. Ez da kasualitatea. Izan ere, aurten 25 urte bete dira hiri hori Errenteria-Oreretarekin senidetu zenetik, eta erakusketa horrekin ospatu nahi izan du Nexo elkarteak, Errenteriako Udalaren eta Xenpelar tailerren laguntzarekin. Hilaren 31ra egongo da zabalik, astelehenetik larunbatera, 17:30etik 20:30era.
Didier Christophe: Bovidés et ovidés pintura erakusketa eramango du Merkatuzarrera. Bordeleko Unibertsitatean arte ederrak eta plastikoak ikasi zituen.
Jacques Tramont: Gauguineries Océaniennes eskultura sorta aurkeztuko du. Artearen historia ikasi zuen Clermont-Ferrandeko unibertsitatean. Riom eta Tulle jaioterriko hirigintzako zuzendari izan da. Arteetako eta Letretako zaldun izendatu zuen Frantziako Kultura eta Komunikazio Ministerioak, 2007an.
