500 sinadura behar ditu Irabaziz-ek
Errenteria Irabaziz-ek sinadura bilketa egingo du asteburuan. Izan ere, hautesle elkargoa izanik, 500 izenpetze behar dituzte udal hauteskundeetara aurkezteko. Forma juridiko hori duten zerrendek aurkezteko dituzten “oztopoak” salatu ditu Ion Collar alkategaiak: “Ez ditugu alderdi moduan aurkezten direnak kritikatzen, baizik eta jartzen diren trabak”. Horrela, herritarrei babesa eskatu diete, “nahiz eta gure ideiekin ados ez egon”. Sinadurak biltzeko mahaiak Niessenen, Iztietan, Beraunen eta Gabierrotan jarriko dituzte —hori larunbatean—, eta igandean, berriz, Herriko Plazan. Bi kasuetan, 11:00etatik 14:00etara egongo dira.
Finantzazioa eta zerrenda
Hautesle elkargoak jakinarazi duenez, euren kanpaina —”xumea izango da”, esan du Collarrek—finantzatzeko bono-laguntzak aterako dituzte. Abenduaren 31 baino lehen dirua itzuliko dutela hitzeman dute. Gainera, zerrenda osoa aurkezteko baliatu dute gaurko ekitaldia. Honakoa da:
- Ion Collar.
- Jose Cruz Legorburu.
- Nagore Basurto.
- Mikel Rodriguez.
- Maite Gartzia.
- Jose Manuel Ferradas.
- Rosa Galeano.
- Encarni Guereño.
- Patxi Astibia.
- Irati Aizpurua.
- Txema Arenzana.
- Ana Bueno.
- Patxi Morrondo.
- Gloria Fernandez.
- Pepe Pinto.
- Natalia Olivera.
- Alex Carretero.
- Raquel Gomez.
- Marcello Ollari.
- Iñaki Morlan.
- Isabel Corral.
Ordezkoak:
- Asier Arriaga.
- Juan Carlos Gutierrez.
