Donibaneko GED-k helburua gainditu eta joste lanei eusteko asmoa adierazi du

Larunbatean ospatu zuten sanjuandarrek Joste Eguna; hamarnaka herritar bildu zen plazan, hautetsontzia eraikitzeko erabaliko diren oihalak ehuntzera

olatz mitxelena

Pasaia

2015/04/27

Emakume sanjuandarrak, joste lanetan

Donibanen 200 jostun behar zituzten hamar oihal josteko, eta larunbateko Joste Egunean helburua lortu egin zuten, eta baita gainditu ere. Taldeko arduradunek aditzera eman dutenez, hamaika oihal josi eta hamabigarrena hastea ere lortu zuten. Gauzak honela, helburu berria adostu dute sanjuandarrek. Hamalau oihal josi nahi dituzte denera, eta horretarako datozen igandeetan plazan mahaia jarriko dutela iragarri dute. Joste lanek jarraipena izango dute

Donibaneko Joste Egunean, oihalak ehunduz

Euskal Herriko herri askotan ospatu da Joste Eguna asteburuan. Oiartzunen lehengo ostiralean ospatu zuten; maiatzaren 23an egingo dute Antxon; eta maiatzaren 30ean Irunen. Data zehazteke, maiatzaren bukaeran izango da Hondarribiko Joste Eguna, eta Errenteria-Oreretakoa, aldiz, ekainaren 6an. Bien bitartean, baina, badira jarduerak programatuta Oarso Bidasoko herrietan. Gure Esku Dago-k herritarrak zoriondu eta oraindik ere oihal zatia eskuratu ez dutenei iniziatiban parte hartzeko gonbidapena luzatu die.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.