Jubilatuen elkarteen lana ezagutaraziko dute Ateak Zabalduz-en
Hirugarren aldiz egingo dituzte jubilatu elkarteen lana kalera ateratzen duten jardunaldiak
Zortzi jubilatuen elkarte daude Errenteria-Oreretan, eta 3.200 bazkide biltzen dituzte. Urtean zehar ekintza kolektiboak, kulturakoak edo aisiari dagozkienak egiten dituzte euren auzoetako klubetan. Gainera, Lagunkide izeneko programa baten barruan biltzen dira 75 urtetik gorako pertsonak. Lau talde daude Errenteria-Oreretan.
Datorren astean, berriz, elkarteetatik atera eta ikasturtean zehar egindako lanak ezagutaraziko dituzte Ateak Zabalduz jardunaldien hirugarren ekitaldian. Jon Txasko Ongizate zinegotziak adierazi duenez, erretiratuen elkarteetan egiten duten lana eredu da gizartearentzat: “Modu parte hartzailean eta boluntarioan egiten dute lan, eta balore horiek edukitzea balioan jarri behar da”. Herritar guztiak animatu ditu ekitaldietan parte hartzea. Honakoa izango da Ateak Zabalduz jardunaldien egitaraua:
Hilak 11, astelehena
Ateak Zabalduz-en aurkezpena
- 10:00etatik 13:00etara: Merkatuzarren ostegunera arte egongo den erakusketa prestatzeko geratuko dira.
- 17:00etatik 20:00etara: Dantza tailerra, Gamon Zumardian. Eguraldi txarra eginez gero, Koldo Mitxelena ikastetxean.
- 10:00etatik 11:30era: Koldo Mitxelena institutuko ikasleei zuzendutako antzezlanak: Madalena 22 eta Don Juan Tenorio.
- 10:00etatik 13:00etara: Lagunkideren topaketa, Merkatuzarren.
- 17:00etatik 20:00etara: Pintura tailerra. Jasokundeko Amaren parrokia kanpoaldean jartzeko murala egingo dute.
- 10:00etatik 10:30era: Soinketa lantegia Merkatuzarren.
- 10:30etik 13:00etara: Ibilaldia egingo dute, herritik zehar. Merkatuzarretik atera, Agustinetara joan, Gabierrotara jaitsi eta handik Ondartxora abiatuko dira. Han tai-chi saioa egingo dute, eta Merkatuzarrera bueltatuko dira.
- 17:00etatik 20:00etara: Euskal jaia. Merkatuzarren abesti eta dantzen erakustaldia egingo dute. Handik abiatuta, ibilbide hau egingo dute trikitilari eta txistulariekin: Biteri kalea (Juli tabernaren parean), Diputazio plaza, Gamon Zumardia eta Herriko Plaza.
- 10:30etik 12:00etara: Jasokundearen Amaren parrokiara bisita gidatua. Ondoren, jubilatuen elkarteetako abesbatzen kontzertua.
- 17:00etatik 20:00etara: Eskulanen tailerra.
- 12:00etatik 13:00etara: Jubilatuen elkarteek hainbat pertsona omenduko dituzte. Ordura arte ez dute jakinaraziko.
- 14:00etan: Bazkaria.
- 16:00etatik 19:00etara: Dantzaldia eta agurra.
