Antzerki eskolan izena emateko aukera dute gazteek

Oiartzungo Antzerki Eskolan sartu nahi duten 12 eta 18 urte bitarteko gazteek epea zabalik dute. Irailean hasiko dira saioak, ordu eta erdikoak astean

eihartze aramendia

Oiartzun

2015/05/27

Antzerki Eskolako ikasleak euren lana aurkezten Antzerki Jardunaldietan

Oiartzungo Antzerki Eskolan sartu nahi duten 12 eta 18 urte bitarteko gazteek epea zabalik dute. Irailean hasiko dira saioak, ordu eta erdikoak astean (asteazken edo ostiraletan, jendeak gehien aukeratzen duen egunean), Karaez kalean (Oiartzungo Antzerki Taldearen lokalean). Izena emateko azken eguna ekainaren 12a izango da; Haurtzaro Ikastolan, Elizalde Herri Eskolan edo Elorsoro kiroldegian eman behar da izena. Oiartzuarrentzat 60 eurokoa da matrikula eta gainontzekoentzat 80 euro. Ordainketa Laboral Kutxan egin (3035 0126 60 1260900006) eta izena ematerakoan ziurtagiria aurkeztu beharko da. Informazio gehiago eskuratu nahi duenak Kultura sailean galdetu dezake, 943 49 19 34 zenbakira deituta edo posta elektroniko bat bidalita. Ikasleen emanaldiak, ekainean Aurtengo ikasleek prestatutako emanaldiak ekainaren 8an eta 16an izango dira, udaletxeko areto nagusian, 19:00etan. Hegazkinean galduta izango da lehen emanaldia (ekainak 8). Hegazkin batean dauden bidaiarien gorabeherak kontatuko dituzte Laiene Aranburuk, Oihan Azpiazuk, Malen Elizasuk, Uxue Eskuderok, Maider Iparragirrek, June Manjarresek, Aiora Mitxelenak, Aimar Narbartek, Katixa Oiartzabalek, Amaia Rodriguezek, Olaia Sorondok eta Bogdam Tomynek. Bigarren emanaldiak Kanpolarrosa izango da. Mojek kudeatutako barnetegi batean bizi diren ikasleen bizitza Iratxe iristen denean erabat aldatuko dela kontatuko dute aktoreek: Leire Agudo, Udane Altuna, Luka de la Peña, June Galardi, Leire Galdos, Naiara Garaiar, Luix Mitxelena, Lierni Rodriguez, Izar Susperregi eta Laida Valderrama. Kanpolarrosa gainera, Donostiako Antzerki Zaharrean antzeztuko dute, Gazteen Antzerki Topaketako 27. edizioan, ekainaren 5ean, 19:00etan.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Antzerki eskolan izena emateko aukera dute gazteek

Gipuzkoa

Alokairu kontratua amaituta etxetik egotzi nahi dituzten hamahiru familiaren egoeraz ohartarazi du Kaleratzeak Stop plataformak

Tabuak kutxatik aterata, giro ederrean ospatu dute Inurri Eguna Usurbilen

Nazioarteko artistak eta euskal musikariak izango dira Boga Boga jaialdian

Joseba Zalakain izango da Gipuzkoako Zainketen eta Gizarte Politiken Ebaluaziorako Agentziako zuzendaria

EH Bilduren Gipuzkoako Mahai Politikoak Maddalen Iriarte proposatu du ahaldun nagusirako hautagai izateko

Ertzaintzak zaintza kameren grabaketak eskatu dizkie Azpeitiko saltokiei, hiltzailea aurkitzeko lagungarri izanen direlakoan

Ertzaintzak Azpeitiko hainbat etxebizitza miatu ditu, baina ustez taxilaria hil zuen susmagarria aurkitu ez

Gipuzkoako Foru Aldundiak politika publikoek pertsonen bizi kalitatean duten eragina neurtzeko agentzia bat sortu du

Etxe baten usain goxoa

Elkartasuna «kriminalizatzea» leporatu dio Donostiako Harrera Sareak Insaustiri

Gipuzkoako Artzain Eguna irailaren 6an egingo dute, Legazpin

Naomi Watts aktoreak ere jasoko du Zinemaldiaren Donostia saria aurten