'Irakurri, Gozatu ea Oparitu' kanpainaren barruan zozketak egin dituzte udal liburutegietan, euskarazko literatura eta irakurzaletasuna bultzatzeko
Euskarazko eleberriak, Trintxerpeko liburutegian
Pasaiako Udalak bultzatuta, eta
Euskaltzaleen Topagunearekin elkarlanean,
Irakurri, Gozatu eta Oparitu kanpaina martxan da Pasaiako udal liburutegietan lehengo apirilaren 23az geroztik.
Liburuaren Egunarekin batera abiatu zen Pasaian euskal literatura sustatzea eta irakurzaletasuna bultzatzea helburu duen kanpaina. Udal liburutegietan euskarazko literatura maileguan hartzen dutenek erosketa txekea jasotzen dute trukean kanpaina martxan jarri zenez geroztik, ondoren Antxoko Urdin eta Trintxerpeko Lema paper dendetan euskarazko literatura erostekotan deskontuak lortzeko.
Horrez gain, liburutegiek egingo dituzten zozketetan parte hartzeko eskubidea irabazten dute euskarazko literaturaren irakurleek. Lehen zozketa atzo egin zuten liburutegietan, eta ekainean bigarrena eta azkena egingo dute, kanpaina bukatzearekin batera.
30 euroko balioa duten txekeak zozketatu dituzte, guztira zortzi txeke, lau txeke 16 urtetik beherakoen artean eta beste lau 16 urtetik gorakoentzat. Txekeak, noski, euskarazko literatura liburuak erosteko izango dira. Beste hainbeste txeke zozketatuko dituzte ekaina bukaeran.
Hona maiatzeko zozketako irabazleak:
TRINTXERPE:
- Arkaitz Alonso
- Lara Estevez
SAN PEDRO
- Oinatz Alonso Erauskin
- Mikel Txintxurreta
ANTXO
- Amaia Agirregabiria
- Ane Elizburu
DONIBANE