Oiartzun Lehen Mailan

Kirol mailan dena esan dute OKEko neskek. El Olivoren kontra atzo 1-2 irabazita Lehen Mailako jokalari direla erakutsi dute. Hurrengo denboraldian Realarekin eta Athleticekin batera ariko da.

eihartze aramendia

Oiartzun

2015/06/15

OKEko jokalariak Vigon

Kirol mailan dena esan dute OKEko neskek. El Olivoren kontra atzo 1-2 irabazita Lehen Mailako jokalari direla erakutsi dute. Hurrengo denboraldian Realarekin eta Athleticekin batera ariko da. Ostiral gauerdian abiatu ziren jokalariak zaleekin batera Vigora (Galizia). Atzo izan zen partida erabakigarria eta oiartzuarrek gogotik borrokatu eta gero, itxarondako garaipena eskuratu zuten ederki merezita. Vigora joan ez ziren zaleek Internet bidez ikusteko aukera izan zuten partida, Galiziako kirol atari batek erretrasmititu zuen. Partida bukatuta, Oiartzunen suziriak bota zituzten garaipena ospatzeko. Maila nagusian handi izandakoa da Gipuzkoako taldea, ligako hiru titulu ere badauzka-eta tartean, garai hartako Ohorezko Mailan (1986-1987, 1987-1988 eta 1990-1991). Baina 2001etik aurrera Superligak erabat erraldoitu zuen emakumezkoen futbola, ordura arteko lau multzoak bakarrean elkartuta. Gipuzkoaren kasuan, asko izan zuen onetik aldaketa hark; ia ezerezetik proiektua sortuta, Reala berehala iritsi baitzen maila gorenera. Baina, handitasun horretan, erdi herrenka geratu ziren Oiartzun eta Añorga, Gipuzkoako beste bi talde nagusiak, jokalaririk onenak bidean galduta. Horregatik litzateke balentria hain talde apalak erraldoien parera jauzia egitea. Udalaren zorionak Oiartzungo Udalak Oiartzun Kirol Elkarteko Nazional Mailako taldeak, lehenengo mailara igotzea lortu duela eta, zorionak eman nahi izan dizkie. [nggallery id=78]

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.