Trainerurik onenak Donibanen elkartuko dira larunbatean

Koxtapek klubaren sorreraren 50. urteurrena ospatuko du; bi estropada antolatzeaz gain, aurtengo taldea aurkeztu eta 1990. urtean Kontxako Bandera irabazi zutenei omenaldia egingo diete

olatz mitxelena

Pasaia

2015/06/15

Bokalearen bi aldeetatik traineruak oso gertutik ikusteko aukera izaten da

Pasaiako IV. Ikurriña izango dute jokoan emakumeek, eta Pasaiako XXXI. Ikurriña Gizonek. VI. Iberdrola Bandera ere izango da lehian; elkarte bereko mutil eta nesken traineruaren denborak batuz lehen tokian sailkatzen den klubarentzat izango da. Emakumeen estropada jokatuko da lehenik, 17:30ean, Gipuzkoako Traineru Ligaren barruan. Estropadak 2.778 metrotako (1,5 itsas milia) ibilbidea izango du, bi luze eta bi ziabogekin. Erlojuz kontra jokatuko da, eta traineruk Lezo aldera abiatuko dira. Irteera ordena arraun federazioan egingo duten zoketan finkatuko da. Gizonen estropada ondoren izango da. Lehengo txandan Astillero, Zierbana, Urdaibai eta Portugalete lehiatuko dira eta bigarrenean San Pedro, Orio, Hondarribia eta San Juan. Estropadak 5.556 metroko (hiru itsas milia) ibilbidea izango du, lau ziabogekin. Bi traineruk badiaren barrualderantz irtengo dira, Lezorantz, eta beste biak, aldiz, kanpoalderantz, itsaso aldera. Lehorrean ere izango da festa Uretan hasiko den festak, lehorrean izango du ondoren jarraipena, plaza inguruan. Izan ere, Pasai Donibane Koxtapek 50. urteurrena du aurten, eta arestian aipatutako estropadak ez ezik, urrezko ezteiak ospatzeko festa antolatu dute larunbaterako. 1990. urtean Kontxako bandera irabazi zutenei omenaldia egingo diete lehenik, eta ondoren aurtengo taldearen aurkezpena egingo dute. Jaia bukatzeko plazan bertan prestatuko duten paella banatuko diete festara bildutakoei.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.