Kataluniarren kalejira izango da larunbatean, Gure Esku Dagoren eguna girotzeko

Herrialde Katalanetako Banyeres del Penedes eta L'Arboç herrietatik etorritako lagun taldeak herria girotuko du larunbatean kalejira baten bidez.

eihartze aramendia

Oiartzun

2015/06/16

Ball de Bastons de L’Arboc

Herrialde Katalanetako Banyeres del Penedes eta L’Arboç herrietatik etorritako lagun taldeak herria girotuko du larunbatean kalejira baten bidez. Gure Esku Dago egunaren bezperan etorriko dira, girotzeko asmoarekin. Colla del Drac de Banyeres del Penedes, Bandolers i Trabucaires d’en Montserrat Poch, Ball de Bastons de l’Arboç eta Mitja Cobla Gran Penedes taldeak ibiliko dira kaleetan zehar, eta eurekin batera Haurtzaro Dantza Taldea ere. 19:30ean hasiko da kalejira Haurtzaro Ikastolako aparkalekutik hasita. Hortik Manuel Lekuonana, Landetxe plazara, Iparralde etorbidera, Arraskuelarre kalera eta Euskal Herria plazatik Doneztebe plazan bukatuko da. Sarrerak eta kamisetak salgai Ekainak 21ean Euskal Herriko hiriburuetan egingo den ekitaldirako sarrerak salgai daude Amaxkar tabernan, Garmendi txokolategian eta Gure Esku Dagoko lokalean (Fermiñene). Kamisetak ere erosteko aukera badago, baita sarekide izateko txartela ere.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.