Udako eskaintza aurkeztu du AEK-k

Oarsoaldeko AEK-k uztailerako eta irailerako prestatu dituen ikastaroak aurkeztu ditu. Uztailean, mintzamena lantzeko ikastaroa eskainiko du eta irailean azterketei begirakoa.

eihartze aramendia

Errenteria-Orereta,Lezo,Oiartzun,Pasaia

2015/06/17

Udako ikastaroak aurkeztu ditu Oarsoaldeko AEK-k

Oarsoaldeko AEK-k uztailerako eta irailerako prestatu dituen ikastaroak aurkeztu ditu. Uztailean, mintzamena lantzeko ikastaroa eskainiko dute AEK euskaltegiek eta irailean azterketei begirako ikastaroa. Mintzamena lantzeko ikastaroa hilaren 29tik uztailaren 30a bitarte litzateke (edo Madalenetako astean emango balitz, uztailaren 24an bukatuko litzateke). Egunean hiru orduko saioak izango dira, astelehenetik ostiralera eta ikastaroa non eta noiz (goizez edo arratsaldez) emango den eskaeraren arabera erabakiko dute. Hortaz, beharrezkoa izango dute ikasleek ikastaroa non ematea gustatuko litzaiekeen eta eskualdeko beste zein euskaltegitan ahalko duten zehaztea. Guztira 60 orduko ikastaroa da, 102 euroko prezioan. Izena emateko azken eguna hilaren 24a (asteazkena) da eta eskualdeko euskaltegietan eman behar da. Mailaketa proba euskaltegiaren kontu egongo da. Iraileko ikastaroa, azterketei begirakoa, irailaren 1etik 30era izango da. Izena ematen dutenen arabera, 1-2 edo 2-3 mailako taldea izan daiteke. Hau ere hiru ordukoa izango da egunean, astelehenetik ostiralera. Kasu honetan ere, eskaeraren arabera erabakiko da ikastaroa non eta noiz eman. Guztira 66 ordu izango da, 120 euroren truke. Izena emateko azken eguna uztailaren 10a izango da, eskualdeko euskaltegietan. Ikastaro hori egiteko taldea aterako balitz, uztailaren 14ean bilera egingo da, matrikula fitxak bete, ordaindu eta udararako etxerako lanak emateko.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.