Antxotarrok Historia Mintegiak urteurrena gogoratzeko hainbat jarduera antolatuko ditu
![Antxo Loretetik](http://oarsoaldea.hitza.eus/site/files/2015/06/Antxo-Loretetik.jpg)
Antxo, Loretetik ikusita, 1913. urtearen inguruan. Argazkia, Antxotarrok Historia Mintegiko fototekakoa da.
Igandean beteko dira 125 urte Antxo Pasaiako barruti izendatu zutenetik. 1890. urteko ekainaren 21ean gertatu zen, Administrazio Auzietarako Tribunalaren epai baten ondorioz. Donostiak beretzat nahi zuen Antxo sortzeko itsasoari kendutako lur eremua, eta hori eskatuz epaitegira jo zuen. Epaia, baina, Donostiaren kontrakoa izan zen, eta Pasaiari eman zion aipatu lurra. Ordutik da Antxo Pasaiaren parte.
Urteurrena gogoratzeko Antxotarrok Historia Mintegiko kideek pankarta jarriko dute etzi Azokan. Bide beretik, aurrerago urteurrena ospatzeko hainbat jarduera antolatzeko asmoa dutela iragarri dute.
Lasalatarren erangipean
Escalerrillas inguruan zegoen baserri batek eman zion izena barrutiari. Antxoren sorreran
Fermin Lasala, Mandasko Dukeak zer ikusi handia izan zuen. Diputatua, ministroa eta Espainiako enbaxadorea Londonen, Lasalari Antxo herria izango zenaren eremua, orduan basatza zena, Erregearen Agindu batek eman zion, “lehortu eta baratzetarako prestatzekotan”.
Antxoren sorrerari buruzko guztiak webgunean laburbilduta ditu
Antxotarrok Historia Mintegiak.