19:00etan da batzarra, elkartearen parean; atzoko batzarrean erabakiari nola erantzun eztabaidatu zuten
![Trintxer batzarra](http://oarsoaldea.hitza.eus/site/files/2015/06/Trintxerbatzarra.jpg)
Batzarra Trintxer elkartean
Hamarnaka lagun bildu zen atzo arratsean Trintxer elkartean.
Espainiako Auzitegi Gorenak berretsi du ‘herriko tabernak’ konfiskatzeko epaia eta tartean da Trintxer. Batzarra egin zuten lehenik, egoeraren berri emateko. Han azaldu zutenez, konfiskatzea “berehala” gauzatuko da. Hala esan diete abokatuek elkarteko arduradunei. Egoerari nola erantzun eztabaidatzen aritu ziren ondoren, eta besteak beste, gaurko bigarren elkarretaratze bat deitzea erabaki zuten. 19:00etan izango da, Trintxer parean, atzoko elkarretaratzea egin zuten toki berean.
Bestalde, Libre dinamikak Zarautzerako egin duen deialdiaren berri eman zuten. Biharko luzatu dute deialdia, 11:00etarako, Musika plazan, agerraldi nazionala egiteko,
Herriko tabernak eta auziperatuak libre lelopean.