Donibanen dena prest da sanjoanetarako
Bihar hasiko dira festak, suaren bueltan
Festa usaia iritsi da jada Donibanera. Kirol ikuskizun jendetsuek girotu dituzte jaien atarikoak, asteburuan, eta bihar, berriz, jaien hasiera ofiziala izango da.
19:00etan botako dute jaien hasiera iragarriko duen suziria Nahia Gametxok eta Markel Perezek, eta hortik aurrera festak eztanda egingo du.
09:30ean piztuko dute sua plazan, ondoren suaren bueltan Aurreskua dantzatzeko. Konstantzia Musika Bandak lehenik, eta Klas orkestrak ondoren, girotuko dute plaza ingurua.
San Joan Egunean, berriz, barrutiko txikienak izango dira festetako protagonista nagusiak, antolatutako gehientsuenak haientzat propio pentsatutakoak baitira. Haur danborrada eguerdian, gimnastika erakustaldia, askaria, pailazoak, herri kirolak….
Asteburuan, azkenik, urtero jaien testuinguruan antolatu ohi diren bestelako kirol zita garrantzitsuak izango dira. Horiek eta beste guztien berri zabalago eta zehatzagoa ezagutzeko jaien egitaraua kontsulta daiteke. 
