Pasaiako Udaleko Bozeramaileen Batzordeak heriotzarengatik atsekabea agertu du eta lan segurtasuna lehentasun izatea aldarrikatu

Zumarragako Arcelor Mittalen kanpoaldea
Pasaitar bat hil da gaur Zumarragan, lan istripuan. Heriotzarengatik atsekabea agertzeko adierazpen instituzionala plazaratu berri du Pasaiako Udaleko Bozeramaileen Batzordeak, eta dolumina agertu die familia, lagun, eta lankideei.
Era berean, lan istripuak salatu eta lantokietan bizia galtzearen kontra agertu da bozeramaileen batzordea. Lan istripuak kosta ala kosta eta guztiaren gainetik saihestu behar direla aldarrikatu dute udaletik, eta segurtasuna era guztietako lantokietan lehentasuna izateko eskatu.
Bide beretik, lan ezbeharrak gure sistema sozioekonomikoaren lakra direla eman dute aditzera, eta horien kontrako neurri gisara prebentzioa eta formazioa aldarrikatu.
Azkenik, langile, sindikatu eta patronalaren artean lan istripuak ekiditeko proiektuak lantzea sustatu behar dela eman dute aditzera, lan osasunaren kontrako delituak zigortuz, eta ikuskaritza lanak handitzearekin batera.