Nerea Oiartzabalek bere bigarren marka onena berdindu du

Gazte Mailako LXIV. Atletismoko Espainiako Txapelketa jokatu dute asteburuan Ciudad Realen

eihartze aramendia

2015/06/29

Nerea Oiartzabal, proba batean

Gazte Mailako LXIV. Atletismoko Espainiako Txapelketa jokatu dute asteburuan Ciudad Realen eta Haurtzaro Atletismo Taldeko Nerea Oiartzabalek bere bigarren marka onena berdintzea lortu du, 1,55 metroko jauzia eginda.

Arratsaldean egin zuen proba, 40 gradutik gorako tenperaturarekin. Lehen aldiz parte hartu duen arren, postu duina eskuratu du, seigarren postua lortu baitu, bere adinekoen artean hirugarrena. “Benetan txalotzekoa izan da Nerearen aurtengo denboraldia, Gipuzkoa eta Euskadiko txapelketetan garaipena lortu ondoren. Eta esan beharra dago ongi merezitakoa izan dela, lan asko egin baitu lortu duena lortzeko”, esan dute Haurtzaro Atletismo Taldetik. “Zorionak Nereari, eta oraingoan baita Bidasoa Atletiko Taldeko Josemi entrenatzaileari ere, astero astero Nerearekin altuera jauzia lantzen aritu baita azken bi urte hauetan”.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.