Uztaila eta udalekuak eskutik helduta datoz Oiartzunen. Hil honetan zehar hamaika ekintza egingo dituzte haur oiartzuarrek.
Elizalde Herri Eskolan egongo dira denak aurten
Uztaila iristearekin batera, haur oiartzuarrak udalekuetan hasi dira. Hilabete osoz edo hamabostaldi batez hamaika ekintza egingo dituzte denen gozamenerako: igerilekura joan, tailerrak, jolasak… 09:30etatik 13:30era bitarte egongo dira. Goizean bakoitza bere taldearekin eta begiralearekin elkartu dira.
Udalekuetan, ondo pasatzeaz gain, beste hainbat balore transmititu nahi die Ttiruki Aisialdi Elkarteak, udalekuen kudeatzaileak; hala nola, herriko ohiturak ezagutarazi, lagunartekotasuna eta elkartasuna indartu, errespetua, berdintasuna eta autonomia sustatu beste askoren artean.