Urtero bezala, Ttur-ttur Euskaltzaleon Bilguneak eta Oiartzungo Udalak udan ere zerbitzua euskaraz eman dezaten baliabideak eskura jarri dizkiete herriko merkatari eta ostalariei.
Lehen-orain txartelak
Urtero bezala, Ttur-ttur Euskaltzaleon Bilguneak eta Oiartzungo Udalak udan ere zerbitzua euskaraz eman dezaten baliabideak eskura jarri dizkiete herriko merkatari eta ostalariei.
Merkatariei dagokionez, merkealdiko material berezia eskuragarri dutela gogorarazi nahi diete:
merkealdia, eskaintzak jartzen duten kartelak, prezio zaharra eta berria erakusten duten txartelak, ehunekoen txartelak eta horrez gain baleak, fakturak edota ordainagiriak egiteko talonarioak.
Ostalarien kasuan, menuak eta kartak zuzendu zein euskaratzeko zerbitzua erabil dezakete. Horrez gain, menua eta karta euskaraz idazteko lagungarri izateko jatetxe eta tabernetarako prestatutako hiztegia eskuragarri dute. Menua eta karta dagoeneko euskaraz duten ostalariek
Jatetxe honetan menua euskaraz bereizgarria eskatzeko aukera dute.
“Zerbitzua euskaraz eskaintzeak establezimenduaren kalitatea hobetu eta bezero euskaldunekiko begirunea adierazten du. Bide horretan laguntzeko, Ttur-ttur Euskaltzaleon Bilgunearen eta Oiartzungo Udalaren arteko hitzarmenari esker, gauzatzen da Oiartzungo merkataritzan eta ostalaritzan euskararen erabilera areagotzeko egitasmoa”, adierazi dute.
Bezero euskaldunei dei egin diete herriko denda, jatetxe eta tabernetan idatzitako oharrak euskaraz eska ditzaten eta hala ez badaude arduradunari zerbitzuaren berri eman diezaioten.