[Argazki galeria] Euskal giroa nagusituko da gaur Antxoko sanferminetan

Txabol Sotoak antolatuta herri bazkaria dago gaur Biteri Plazan; arratsaldean, kuadrilla arteko batel lehiaketa izango da Marealtan

olatz mitxelena

Pasaia

2015/07/06

Gazteak, txupinazoan, festak hasteko irrikaz

Antxoko sanferminak badoaz aurrera. Asteburua jendetsua izan da, eta giro aparta egon da, egunez zein gauez. Azken urtetan ohikoak bihurtzen ari diren istiluak falta ez diren arren, herritarren gehiengoak jaiez lasaitasunez gozatzeko aukera izan du. Lepo izan dira kaleak, baita barraken gunea, Txabol Sotoaren jangela eta bestelako karpak eta ikuskizunak ere. Atzo, bestalde, eguneko festak kolore laranja hartu zuen, Gazteen Eguneko bazkarian bildu ziren 300dik gora lagunek festarako propio jantzitako elastikoaren koloreari esker. Elektrotxuflaren laguntzaz, primeran pasatu zuten festara bildu ziren gazte eta ez hain gazteek. Festak indartsu jarraituko du Asteburua igarota, gaurtik aurrera ez dira hainbeste bisitari espero Antxon. Bertakoentzat, ordea, festek oraindik asko dute emateko. Gaurko Euskal Eguna antolatu du lehenbizikoz jai batzordeak, eta Txabol Sotoan antolatuta herri bazkarian, euskal giroa nagusituko da. Baserritarrez janzteko deia egin dute antolatzaileek. Bihar San Fermin Eguna izanik, gainera, antxotar askok jai bezpera dute gaur, eta ordu txikiak arte luzatuko da festa. [nggallery id=101] Gaur, Euskal Eguna:

10:00-12:00 Haurrentzako KARABINA LEHIAKETA Biterin.
11:00 Familientzako HERRI KIROL probak Zumardian (gutxieneko adina 10 urte)
12:00 FUTBOLIN txapelketa gaztetxoentzat (12/16 urte bitarte) Biterin. Euria izanez gero, Zumardiko arkupeetan.
12:00-14:00 TRIKITILARIAK barrutian zehar
13:00 BURUHANDIAK eta ERRALDOIAK barrutiko kaleetan zehar ibiliko dira Itsas Mendiko txistulariekin batera.
14:30 Herri BAZKARIA Txabol Sotoan.
16:30 HAUR JOLASAK Kupeldegin.
17:30 Batel ESTROPADAK Marealtan.
18:00 KALEJIRA Pasai Txarangarekin.
19:00 BURUHANDIAK eta ERRALDOIAK barrutiko kaleetan zehar ibiliko dira Itsas Mendiko txistulariekin batera.
20:00 TXIKIENTZAKO Lasturreko Marques de Saka ganadutegiko BIGANTXAK Luzuriagan.
20:30 San Fermin parrokian SALBEA. Pasai Antxoko abesbatzak “Agur Maria”, “Salve” eta “Aita Gurea” kantatuko ditu Jokin Otamendiren zuzendaritzapean.
00:00 KONTZERTUA Azokan: “Los del Gas” eta “Izeberg”.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.