Urko Otegi izango da gaur San Fermin eguneko Saltsero Nagusia

Palentzia taldeko saskibaloi jokalari profesionala, jaioterrira itzultzen da ahal duen guztietan San Fermin jaiak ospatzera; Gaur bera izango da San Fermin eguneko protagonista.

urko otegi

Urko Otegiri zapi gorria jartzen, lehengo ostiralean

San Fermin Eguna iritsi da, festetako egun handia, eta antxotarrak lehengo ostiralaz geroztik jaietan murgilduta dauden arren, gaur ere parrandarako gogoz irtengo dira kalera. Urtero legez, Saltseroen eguna da gaurkoa. Saltseroek Urko Otegi saskibaloi jokalaria izendatu dute aurten Saltsero Nagusi, eta bera omendu eta San Fermin egunaz gozatzera irtengo dira kalera 12:00ak puntuan. Herriko kaleak txarangaren erritmoan eta kantuz alaitu ondoren Txabol Sotoan bazkaltzera bilduko dira guztiak. Baina gaurko egunak, baditu beste hainbat zita huts egin ezinezko: eguerdian txakolin dastaketa zumardian, eta nafar joten emanaldia, aurten, kalez kale, eta arratsaldean, berriz, haur danborrada, eta herri kirolak. Urtero legez, Basari elkarteak antolatu ditu herri kirolak, aurten, Izeta IV eta Telleria harri-jasotzaileekin, Ugaitz Mugertza eta Jon Rekondo aizkolariekin eta Santa txingalariarekin. Kaleko rock ikuskizunek girotuko dute San Fermin eguneko arratsa, 20:00etatik aurrera.   Gaur:
  • 06:00 GAUERDI taldearekin diana
  • 07:00 HELDUENTZAKO Lasturreko Marques de Saka ganadutegiko BIGANTXAK Luzuriagan.
  • 11:00 Saltseroen MEZA Anunciatan.
  • Ordu berean  Haurren IV. PALA TXAPELKETAko finala Biterin. (8-12 urte bitarte)
  • 12:00 SALTSEROen irteera.
  • Ordu berean, MEZA NAGUSIA San Fermin parrokian. Bertan Pasai Antxoko abesbatzak, Jokin Otamendiren zuzendaritzapean, besteak beste, hauek kantatuko ditu: “Gloria a Ti”, “Aintza Zeruetan”, “Zatoz Jaungoiko”, “Santo Santo”, “Aleluia”, “Hosanna”, “Zoriontsu zu”, “Ave Versum” eta “Agur Jesusen Ama”.
  • Ordu berean, JOTAk herriko kaleetan zehar Milagroko Jota eskolaren eskutik.
  • 13:00 BURUHANDIAK eta ERRALDOIAK barrutiko kaleetan zehar ibiliko dira Itsas Mendiko txistulariekin batera.
  • 14:30 Saltseroen BAZKARIA Txabol Sotoan.
  • 18:00 Haurren DANBORRADA Luzuriagatik irtengo da Pasai Txarangarekin batera..
  • 19:00 HERRI KIROLAK Zumardian.
  • Ordu berean ZIRKO MALABAREAK haurrentzat Mimos tabernaren inguruan
  • 20:00 ROCKALEAN herriko kaleetan zehar.
  • 22:00 ITSUSIEN Munduko XI. TXAPELKETA feriak diren tokian.
Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.