Ekitaldi erlijiosoetan parte hartuko ez dutela iragarri du Irabaziz-ek

Madalenetan egiten diren ekitaldi erlijiosoetan ez dute parte hartuko Irabaziz-eko ordezkariek, "berdintasun printzipioa" hautsiko lukeelakoan.

Erik Gartzia Egaña

Errenteria-Orereta

2015/07/16

Madalenetako prozesioan ez du parte hartuko Irabaziz-ek

Madalenak ate joka daude, eta Errenteria Irabaziz-eko kideek iragarri dute ez dutela ekitaldi erlijiosoetan parte hartuko, erakunde publikoen laikotasunaren alde daudelako. hautesle elkargoaren arabera, sinesmen erlijiosoen eremu pertsonalean geratu behar dute. “Horregatik”, gaineratu dute, “ez dugu uste ordezkari publikoek ekitaldi horietara joan behar dutenik”. Erakundeek laikotasunaren “berdintasun printzipioa” errespetatu behar dutela iritzi dute: “Herritar guztiak ordezkatu behar dituzte, eta berdintasun printzipio hori manten dadin bermatu behar dute. Horrelako ekitaldi batean parte hartzean, hainbat herritarrek pentsa dezakete berdintasun printzipioa urratzen dela”. Horregatik, ezkontza edo hileta zibilen ereduarekin jarraitzeko galdegin dute, “fededun eta sinesten ez dutenen berdintasuna bermatzeko medioak jarriz”.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.