Errenteria Atletismo Taldea omenduko dute jeltzaleek, mende erdia betetzen dutelako
Irastorza, Peña eta Jauregi, krosa aurkezten
Errenteriako EAJk haurren krosa antolatu du, zortzigarren aldiz, uztailaren 24rako. Gaur aurkeztu dute lasterketa, eta bertan Maite Peña udal talde jeltzaleko eleduna, Nieves Jauregi batzar lokaleko presidentea eta Jose Ignacio Irastorza krosaren sustatzaile nagusia izan dira. Peñak azaldu duenez, madalenei egiten dieten ekarpena da krosa. “Jaietan presentzia edukitzeaz gain, haurren artean kirolaren baloreak sustatuko ditugu”, gaineratu du.
Hiru kategoria egongo dira: benjaminak, alebinak eta Haur Mailakoak. Lehenengoek 850 metro egingo dituzte Erdiguneko kaleetan zehar 850 metro egingo dituzte, alebinek kilometroa eta zaharrenek 1.500 metro. 12:00etan irtengo dira Koldo Mitxelena plazatik. 10:00etan hasi daiteke izena ematen, eta kamiseta bat emango diete parte hartzaileei. Abiapuntuan bertan bukatuko da. Ondoren, mokadutxoa jateko aukera izango dute, indarrak hartzeko
EAT, omenduta
Urtero krosean herriko eragileren bat omentzen dute. Aurten, Errenteria Atletismo Taldearen txanda izango da, 50 urte betetzen dituelako. Gainera, zortzi ekitaldietan laguntzen aritu direla gogorarazi du Peñak.