EuskoTren, larunbatetan hobe

Emakumeen traineru ligako lau jardunaldietatik bitan irabazi dute arrosek, biak larunbatarekin. Hibaikak Orio mendean hartu du asteburuan.

Urko Etxebeste Petrirena

Errenteria-Orereta,Pasaia

2015/07/20

San Juango emakumeak, larunbatean, Orioko bandera eskuan

San Juanen emakumeen traineruaren arduradunek eskatu beharko lukete EuskoTren Ligaren estropada guztiak larunbatarekin egin ditzatela. Liga horretako lau jardunaldi egin direnean —bi larunbatez eta beste bi igandez—, larunbatetan egin diren biak San Juanek irabazi ditu, eta igandekoak Zumaiarentzat izan dira. Eta lau jardunaldi horietan, gainera, ligaren barruan binakako beste bi liga sortu dira: banderen liga, Zumaia eta San Juan artekoa; eta hirugarren posturako liga, Hibaika eta Orio artekoa. Larunbatean Orioko estropada larri-larri irabazi zuen San Juanek. Ziabogan Zumaiarekin denboran berdinduta joan ziren arrosak, eta helmugan ehunen eskas batzurengatik irabazi zuten Juan Mari Etxabek entrenatutakoek. Gutxigatik, baina bigarrena zakura. Atzo, berriz, ulertzeko zaila izan daitekeen itxura hartu zuen lehen posturako lehiak: ziabogan San Juanek zazpi segundo ateratzen zizkion Zumaiari, baina bueltakoan gorriek estropada irauli, eta irabaztea lortu zuten: luze batean 10 segundo atera zizkioten San Juani. Nerbioiko itsasoratzean dauden kaleen aldeen zerikusia antzeman daiteke sanjuandarren beherakada horretan. Horrenbestez. ligaren buruan bi taldeak berdinduta daude, 14na punturekin. Hibaika Kontrolpean izan du Hibaikak Orio asteburuan hirugarren posturako borrokan, baina estu, batez ere larunbatean. Orioko banderan ehuneneko eskas batzurengatik aurreratu ziren Madalen ontzikoak, atzo, berriz, errazago, zazpi segundogatik. Horrek esan nahi du ligan aldea atera diotela errenteriarrek Oriori, eta apurka banderaren bat irabazteko bide onean ari direla, konfiantza hartuz. Liga bukatzeko beste lau estropada falta dira, bidearen erdia egin dute emakumeen traineruek. Horrela jarraituz gero, pasioz beteriko lau jardunaldi izango dira, hurrengoak asteburuan, larunbatean Nojan (Kantabria) eta igandean Getxon.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

EuskoTren, larunbatetan hobe

Gipuzkoa

Errenteriak eta Hernanik elkarlana eta «jarduteko modu berriak» eskatu dituzte etxegabeen arazoari aurre egiteko

Ehunka lagunek protesta egin dute Donostian, erosketa orgak eskuan

Biriketako transplante baten zain dagoen Donostiako bizilagun bat, etxetik egotzia izateko zorian

Tolosa eta Beasain lotzen dituen Renfeko tren zerbitzua etengo dute abuztuaren 29tik irailaren 1era

Salmonellosi agerraldi batek 29 pertsonari kalte egin die Eibarren

Pasaiako eta Lezoko alkateek «erantzunak eta neurriak» eskatu dituzte portuko sutearen harira

Gizon bat atxilotu dute Irunen, prostituzio etxe batean emakume bati sexu erasoa egitea egotzita

KASek salatu du Donostiako Udaltzaingoa «jazartzen» eta «zigorra ezartzen» ari zaiela ogitartekoak banatzen dituzten herritarrei

Hondarribiko alarde baztertzailearen aldekoek utzi egin dute konponbiderako elkarrizketa prozesua

GHKk espediente bat irekiko du Zubietako erraustegiko sutearen nondik norakoak argitzeko

Donostiako Harrera Sareak salatu du lau kide identifikatu dituztela etxegabeei janaria emateagatik