Txostek ez du eskuratu erreboteko txapela

Villabonako Errebote plazan jokatu zuten atzo Gipuzkoako Errebote Txapelketako finala Oiartzungo Txostek eta Zubieta 1ek.

eihartze aramendia

Oiartzun

2015/07/20

Zubieta1 eta Txost taldeetako jokalariak, Villabonan

Villabonako Errebote plazan jokatu zuten atzo Gipuzkoako Errebote Txapelketako finala Oiartzungo Txostek eta Zubieta 1ek. Ez zen partida orekatua izan, 13-4 galdu zuten pilotari oiartzuarrek. Zubietako Josu Aizpuruak “izugarrizko” partida jokatu zuen Anton Mendizal Txosteko kideak kontatu duenez eta ezin izan zioten aurre egin. Aspaldi jokatu gabeko txapelketa izan da Gipuzkoako Errebote Txapelketa. Ekainaren 28an hasi ziren txapelketa jokatzen; lau taldek hartu dute parte: Behar Zana, Zubieta 1, Zubieta 2 eta Txost taldeek. Txostek talde gaztea du. Orain arte Ipar Euskal Herriko pilotariekin osatu izan dute taldea, baina orain guztiak hemengoak dira eta Mendizabalen esanetan pixkanaka esperientzia hartzen joan beharko dute. Partidaz betetako egutegia Gipuzkoako txapelketa bukatu bada ere, pilotariek oraindik ere badute zer gozatua. Bote luzea, errebotea, joko garbi eta eskuzko pasakako norgehiagokak izango dira. Eskuzko pasakari dagokionez, larunbat honetan final-laurdenak jokatuko dituzte Kontzejupean eta igandean hiru kategoriatako finalak izango dira Iturriozko festetan, emakumeena, gazteena eta herrikoia (17:00etan). Nagusien finala Xanistebanetan izango da (abuztuaren 3an, 13:00etan Kontzejupean). Xanistebanetan ere, abuztuaren 3an, Txosteko pilotariak joko garbian arituko dira 17:00etatik aurrera eta gero, Gipuzkoa-Iparraldea ikusteko aukera izango da bote luzean, Beheko plazan, 18:30ean hasita. Abuztua bukaeran, berriz, Enrike Abril txapelketa hasiko da.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Txostek ez du eskuratu erreboteko txapela

Gipuzkoa

Errenteriak eta Hernanik elkarlana eta «jarduteko modu berriak» eskatu dituzte etxegabeen arazoari aurre egiteko

Ehunka lagunek protesta egin dute Donostian, erosketa orgak eskuan

Biriketako transplante baten zain dagoen Donostiako bizilagun bat, etxetik egotzia izateko zorian

Tolosa eta Beasain lotzen dituen Renfeko tren zerbitzua etengo dute abuztuaren 29tik irailaren 1era

Salmonellosi agerraldi batek 29 pertsonari kalte egin die Eibarren

Pasaiako eta Lezoko alkateek «erantzunak eta neurriak» eskatu dituzte portuko sutearen harira

Gizon bat atxilotu dute Irunen, prostituzio etxe batean emakume bati sexu erasoa egitea egotzita

KASek salatu du Donostiako Udaltzaingoa «jazartzen» eta «zigorra ezartzen» ari zaiela ogitartekoak banatzen dituzten herritarrei

Hondarribiko alarde baztertzailearen aldekoek utzi egin dute konponbiderako elkarrizketa prozesua

GHKk espediente bat irekiko du Zubietako erraustegiko sutearen nondik norakoak argitzeko

Donostiako Harrera Sareak salatu du lau kide identifikatu dituztela etxegabeei janaria emateagatik