Emakumeen liga hautsi du San Juanek

Enakumeen liga nagusia, EuskoTren, eskura du San Juanek asteburuko bi estropadak irabazi eta gero. Bi jardunaldi falta dira liga hori bukatzeko. Oarsoaldeko Hitza

Urko Etxebeste Petrirena

Errenteria-Orereta,Pasaia

2015/07/27

Batelereak, atzo, udaletxe zaharrean asteburuko banderak herriari eskaintzen

San Juan, asteburu honetako erakustaldien ondoren, EuskoTren Liga irabazteko bidean da. Liga hautsi du. Zumaiarekin zuen ‘bat zuk, bestea nik’ banderen dinamikarekin bukatu dute arrosek, eta ‘denak neretzat’ esan dute. Larunbatean Nojan irabazi zuten sanjuandarrek erlojupeko estuan, eta atzo, Getxon, nagusitasun handiz; larunbatean Zumaiarekiko ehunekoak zian ziren (segundo erdi), atzo, zazpi segundo. Eta berez festa merezi zuenak, luzerako jo zuen atzo. Izan ere, Donibanen Santio jaiak dira, atzo Santa Ana Eguna zehazki, eta jaietako beste elementu bat, atzo beharbada eguneko garrantzitsuena —habaneren ikuskizunarekiko errespetu osoz— izan zen batelerei herriak egin ziena. Emakumeen liga nagusia bukatzeko bi estropada falta dira, abuztuaren 15 eta 16an Zarautzen egingo direnak. Eskura dute, bigarrenez jarraian. Hibaika Aurrera urratsa egin du Hibaikaren emakumeen traineruak asteburuko bi estropadetan. Larunbateko lehia ahaztuta —azkenak izan ziren, itsasoaren egoera latzak baldintzatutako estropadan—, atzo, Getxon, Orio nabarmen atzean utzi zuten, eta bigarren izan zen Zumaiatik bi segundora sailkatu ziren Madalen ontzikoak. Erregulartasuna mantendu behar dute errenteriarrek aurrerantzean, batez ere EuskoTren ahalik eta hoberen bukatzeko, Gipuzkoako Emakumeen Ligan puntuak pilatzen joateko, eta Kontxan lan bikaina egiteko.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Emakumeen liga hautsi du San Juanek

Gipuzkoa

Eusko Jaurlaritzak Bentaberriko babes ofizialeko 510 etxebizitzak erosiko dizkio Blackstone funtsari

Jon Insaustik esan du Donostiako Egia auzoan atzo etxegabetu behar zuten familiari «Etxegintzako bizitoki bat» eskainiko diotela

Gipuzkoako baso suhiltzaileek salatu dute foru aldundiak zenbait zerbitzu eten dituela, baso suteen «arrisku handiko» sasoi betean

Luis Mari Goikoetxea hil da, Zumaiako Arraun Elkarteko presidente ohia

Minbiziaren Aurka Gipuzkoan elkarteak arreta «gizatiarragoa eta integralagoa» eskatu du bularreko minbizia dutenentzat

Greba mugagabea abiatu dute Asteasuko Siemens Gamesan

Kutxa Fundazioak joko interaktibo bat sortu du, Gipuzkoan egiten duen lana erakusteko

Bi pertsona atxilotu dituzte «terrorismo» delitu bat egotzita

Donostiako autobus geltokia moldatzeko proiektu bat aurkeztu du udalak

Gogora-ko zuzendariak dio Itxasok borondatea duela Martuteneko espetxean «memoria elementuren bat» uzteko

ELAk salatu du Itasua enpresak dibidenduak hirukoiztu egin dituela azken bost urteetan, baina langileei ukatu egiten dietela soldata igoera

150 hizlari arituko dira ‘Euskal pentsamenduaren ur-jauzia II’ kongresuan