Oarsoaldean eta Bidasoan inbertsioak lagunduko ditu Jaurlaritzak

Europako Batzordeak pobretzat jo dituen eskualdeetan inbertsioak sustatzeko plana aurkeztu du gaur Eusko Jaurlaritzako Ekonomiaren Garapen eta Lehiakortasunerako Sailak

Oarso Bidasoko Hitza

Errenteria-Orereta,Lezo,Oiartzun,Pasaia

2015/09/04

Oiartzungo industriagune bat

Europako Batzordeak pobretzat jo dituen eskualdeetan inbertsioak sustatzeko plana aurkeztu du gaur Eusko Jaurlaritzako Ekonomiaren Garapen eta Lehiakortasunerako Sailak. Araba, Bizkai eta Gipuzkoan Bruselak ezarritako baldintzak betetzen dituzten eskualdeak hauek dira: Oarsoaldea, Bidasoa eta Ezkerraldea-Mehatzaldea. Indartu izena jarri diote programa berriari, eta horren berri eman du Arantxa Tapia sailburuak. Jaurlaritzak, guztira, zortzi milioi euro jarriko ditu aurten. Laguntza jaso ahal izateko inbertsio produktiboak izan beharko dute, eta enplegua sortu. Proiektu batek hiru milioi euro arteko dirulaguntza jaso dezake. Hori bai, gehienez ere enpresak jarritako diruaren %10 finantzatuko du programak. Enpresek ez dute jasotako dirua itzuli behar izango, ezarritako baldintzak betetzen badituzte. Enpresa handiei dagokienez, gutxienez hiru milioi euroko inbertsioak izan beharko dira, eta finantzazioaren laurden bat enpresaren funts propioetatik atera beharko du. Horrekin batera, gutxienez hogei lanpostu zuzen sortzea beharrezkoa izango da. Enpresa txiki eta ertainentzat baldintzak leunagoak dira. Gutxienez 750.000 euro jarri beharko dituzte, eta bost lanpostu sortu. Dirutan gutxieneko horietara iristen ez diren proiektuei laguntzeko prest dago Jaurlaritza, baina soilik enplegu gehiago sortzen badute. Enpresa handietan ehun lanpostu eta txiki eta ertainetan 25 izango lirateke. Laguntza berezi hauek eskatzen dituzten proiektuek bi urte arteko iraupena izan dezakete. Datorren urtean beste deialdi bat egingo dela aurreratu du Tapiak.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Oarsoaldean eta Bidasoan inbertsioak lagunduko ditu Jaurlaritzak

Gipuzkoa

Aiako txaleta eraisteko agindua berretsi du Auzitegi Gorenak

Eusko Jaurlaritzako Segurtasun Sailak salatu du futbol partida bateko epaile bati jazarri diotela ertzaina izateagatik

Zahar etxeetako gatazkari irtenbidea emateko eskatu dio ELAk Gipuzkoako Foru Aldundiari

Berastegi, Berrobi eta Elduain Tolosarekin lotzeko autobus zerbitzua indartuko du Gipuzkoako Foru Aldundiak

Gipuzkoako Foru Aldundiak 281 lanpostuko lan deialdi publiko bat egingo du

Bi lagun atxilotu dituzte Iruñean eta bat Hondarribian, indarkeria matxista egotzita

Zaldibiako Udalbatzak herriko eskola garraioa bermatu dezala eskatu dio Eusko Jaurlaritzari