Haurrei zuzendutako sorkuntza tailerrean izena emateko epea zabalik da
Sei urtetik gorako haurrei zuzendutakoa da sorkuntza tailerra eta astean behin egingo dute ordu eta erdiko saioa 100TZE espazioan.
Haurrei begira Idoia Beratarbidek antolatu duen Sorkuntza Tailerrean izena emateko epea zabalik da, eta interesdunek urriaren 6a bitartean izango dute izena emateko aukera. Sei urtetik gorako haurrei zuzendutakoa da tailerra eta astean behin egingo dute ordu eta erdiko saioa 100TZE espazioan (Arraskuelarre 16 behea, 5).
Haurrei garapen espresiboan laguntzen die tailerrak, “adinaren araberako ezaguera emanez”, azaldu du arduradunak. Haurra, marrazteko, margotzeko eta bolumena lantzeko gai izatea da helburua adina, beharra eta nortasun propioak aintzat hartuta. Horrekin batera, haur orok berez duen esperesatzeko modu propioa garatzea ere bilatzen omen du tailerrak: “Haurrei jakintza bat emateaz gain, arte plastikoekin jarrera parte hartzailea izatera bultzatuko ditu tailerrak. Ikasleek aske sentitu behar dute, jolas giroan”.
Izena eman edo informazio gehiago jaso nahi dutenek 652 70 15 53 telefono zenbakira deitu dezakete edo posta elektronikora mezua bidali.
Tailerraren ordutegi aukerak:
- Astearteetan, 17:00etatik 18:30era.
- Asteazkenetan, 18:00etatik 19:30era.
- Ostegunetan, 17:00etatik 18:30era.
