Gaur hasiko dira sanmigelak

Gaur hasiko dira Ugaldetxoko festak, sanmigelak. Lau eguneko festak izango dituzte Ugaldetxon.

eihartze aramendia

2015/09/25

Goitibeherak Txipitotik behera

Gaur hasiko dira Ugaldetxoko festak, sanmigelak. Lau eguneko festak izango dituzte Ugaldetxon. 19:00etan botako dute suziria eta ondorengo egunetan festa nagusi izango da. Auzoetako azken festak izango dira San Migel jaiak. Gaur truk txapelketa jokatuko dute. Lehenengo saridunek txapela eta mariskada irabaziko dituzte, bigarrenek afaria Matteo jatetxean; hirugarrenek bi oilasko eta bi txanpain botika, eta laugarrenek bi untxi. Errepeskako sariak bi lagunentzako afaria Aristi jatetxean eta bi txanpain botila izango dira. Bihar duatloia izango da 4 eta 12 urte bitartekoentzat. 4 eta 8 bitartekoek 300 metro korrika eta 800 metro bizikletaz egin beharko dituzte, eta 9-12 urte bitartekoek 500 metro korrika eta 1000 metro bizikletaz. Egitaraua: Hilak 25, ostirala 19:00etan: Festei hasiera emango zaie suziri, Bidasoko erraldoi, buruhandi ttiki eta trikitilariekin. 19:30ean: Euskal presoen eta iheslarien aldeko kartelada. Ondoren: Afari-merienda norberak ekarritako jakiekin. Bertan ardoa eta sagardoa erosteko aukera egongo da. 22:00etan: XXXVII. Truk Txapelketa Atamitxen. Hilak 26, larunbata 11:30ean: Duatloia. 16:00etatik 20:00etara: Haurrentzat puzgarriak eta ludoteka karpan. 17:30ean: Haur jolasak eta txokolate-jatea. 17:30ean: Oreka Trial Show erakustaldia, Atamitx beheko soroan. 21:00etan: Afaria Atamitxen (txartelak Intxixun erosi behar dira) eta ondoren Gari eta Iñakirekin kantua eta dantza. 20:30ean: Gazte afaria karpan (txartelak Intxixun). 23:30ean: Kontzertua karpan: E-reggaeak eta Zesuma taldearekin berbena. Hilak 27, igandea 09:00etan: Diana auzoan zehar Lartaun Txistulari Taldearekin. 10:30ean: III. Krosa modalitate desberdinetan: bakarka, bakarka 16 urtetik beherakoentzat, bikoteka erreleboka eta bikote mixtoa. 10:30ean: Pilota partidak Txipitoko frontoian (bustita egonez gero Kontzejupean): 1. partida, benjaminak: Beñat Aburuza eta Lur Lopez, Andoni Aranburu eta Xabat Eskuderoren kontra. 2. partida, alebinak: Ekain Arozamena eta Xabier Aburuza, Oier Lopez eta Unax Jimenezen kontra. 3. partida, infantilak: Mikel Aranburu eta Ekaitz Salaberria, Unai Aburuza eta Aitor Larraiaren kontra. 4. partida, helduak: Axier Retegi eta Zigor Salaberria, Xabier Azpiroz eta Aitzol Arzallusen kontra. 11:30ean: Euskal dantzak Haurtzaro Dantza Taldearen eskutik. 13:00etan: Mutxikoak Oiartzungo Herri Musika Eskolako Xirolarru taldearekin. 17:00etan: Goitibehera jaitsiera Txipitoko maldan (14 urtetik gorakoentzat). 17:00etatik 20:00etara: IV. Artisau erakusketa eta tailerra karpa inguruan. 18:00etan: Bat-batean taldearen emanaldia (euskal pop/rock). Gero: Sardina-jatea, ogitartekoak. 19:30ean: Zezen eta goitibehera suzkoa. Hilak 29, asteartea. San Migel eguna 10:30ean: Meza Atamitxen eta ondoren hamaiketakoa. 18:30ean: Auzoko Toka Txapelketa. Saria: bi afari Intxixu jatetxean eta ondoren afari-merienda karpan. Federatuek parte hartu ahal izango dute, baina auzo mailako txapelketa denez, saririk ez dute izango.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Gaur hasiko dira sanmigelak

Gipuzkoa

Eusko Jaurlaritzak Bentaberriko babes ofizialeko 510 etxebizitzak erosiko dizkio Blackstone funtsari

Jon Insaustik esan du Donostiako Egia auzoan atzo etxegabetu behar zuten familiari «Etxegintzako bizitoki bat» eskainiko diotela

Gipuzkoako baso suhiltzaileek salatu dute foru aldundiak zenbait zerbitzu eten dituela, baso suteen «arrisku handiko» sasoi betean

Luis Mari Goikoetxea hil da, Zumaiako Arraun Elkarteko presidente ohia

Minbiziaren Aurka Gipuzkoan elkarteak arreta «gizatiarragoa eta integralagoa» eskatu du bularreko minbizia dutenentzat

Greba mugagabea abiatu dute Asteasuko Siemens Gamesan

Kutxa Fundazioak joko interaktibo bat sortu du, Gipuzkoan egiten duen lana erakusteko

Bi pertsona atxilotu dituzte «terrorismo» delitu bat egotzita

Donostiako autobus geltokia moldatzeko proiektu bat aurkeztu du udalak

Gogora-ko zuzendariak dio Itxasok borondatea duela Martuteneko espetxean «memoria elementuren bat» uzteko

ELAk salatu du Itasua enpresak dibidenduak hirukoiztu egin dituela azken bost urteetan, baina langileei ukatu egiten dietela soldata igoera

150 hizlari arituko dira ‘Euskal pentsamenduaren ur-jauzia II’ kongresuan