Eguzki: "EAJk eta PSE-EEk ingurumena eta osasuna merkealdian jarri dute"

Edukiontziak ezarrita birziklatze tasa erdira murriztuko dela salatu du talde ekologistak

olatz mitxelena

2015/09/28

Pasaia Zero Zabor taldeak Donibanen marraztutako murala

“Arduragabekeria” iruditzen zaio Eguzkiri Pasaiako Udal Gobernu Taldearen azken erabakia. Hondakinak atez ate biltzeko sistema bertan behera utzi eta edukiontzien bidezko sistema ezarriko dute berriro Pasaian, bosgarren edukiontzia gehituta, giltzarekin, eta boluntarioa. Erabakiarekin “Pasaiako Udalak aurrerapausoak egiten jarraitzeari uko egiten” diola iritzi dio Eguzkik, birziklatze tasa “inbidiagarriak” lortu dituen udal bilketa sistema bazterrean utzita. Hondakinen %80 birziklatuta, “Pasaia Euskal Herriko eta Europar Batasuneko ingurumenaren elitean” kokatu dela iritzi dio Eguzkik, eta kexu agertu da, Pasaiak Europak datozen 20 urtetarako ezarritako helburuak gainditu dituen arren, sistema bertan behera utziko delako. Izan ere, talde ekologistaren ustez, edukiontzien sistema boluntarioa ezarrita birziklatze tasa erdira murriztuko da automatikoki, eta horregatik hain zuzen, bidegabea iritzi dio aldaketari: “oso emaitza onak ematen dituen bilketa sistema ezinda emaitza dezente okerragoak ematen dituen beste sistema batengatik ordezkatu”, eta Urnieta, Elgoibar, Eibar, Irun eta Errenteria-Orereta aipatzen ditu datu okerragoen erakusle. Errauste planta inposatu nahi Eguzkiren arabera, “EAJk eta PSE-EEk errauste planta inposatu nahi dute Gipuzkoan”. Helburu horri begira, bilketa selektiboa eta birziklatzea ez zaie mesedegarri, Eguzkik salatu duenez. Horixe da, talde ekologistaren arabera, atez atekoaren kontra aritzearen arrazoia. “Egungo bilketa selektiboaren portzentajeak bermatu gabe atez atekoa ordezkatzea “maniobra neoliberaltzat” jo du Eguzkik, eta “erasoa pasaitarren osasuna eta ingurumenarentzat”. Beren “proposamen atzerakoia” hausnartzeko eskatu die EAJri eta PSE-EEri, eta sistema hobetzeko behar diren neurriak hartzeko eskatu die, baina ingurumen politiketan lortutako aurrerabideei uko egin gabe.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Eguzki: "EAJk eta PSE-EEk ingurumena eta osasuna merkealdian jarri dute"

Gipuzkoa

‘Noraeza eta bidea’ izeneko erakusketa eta bi artista liburu aurkeztu dituzte Oiartzunen

Patxi Goenaga hizkuntzalaria hil da

Salatu dute Azorak Donostian hutsik dituen etxeetako batzuk legez kanpoko pisu turistikoak direla

Gaur hasiko da Booktegi jaialdia, «literatura zentzu zabalean ospatzeko»

Gipuzkoako Foru Aldundiak %10 handituko du aurrekontua, 1.433 milioi euroraino

‘Desobedienteak 18/98’ antzezlanarekin hasiko dira Azpeitiko antzerki topaketak, bihar

Salatu dute azaroaren 11n bi adingabe dituen familia bat etxegabetu nahi dutela Donostian

Larunbatetik aurrera, Renferen erabiltzaileek Hernani eta Irun arteko ibilbidea trenez egin ahal izango dute beti

Errenteriako Udalak lursail bat laga dio Jaurlaritzari, alokairurako 45 etxebizitza babestu eraikitzeko

Gipuzkoako autoeskolak kexu dira 6.000 pertsona baino gehiago daudela azterketa praktikoa egiteko zain

Donostiako Herrera auzoko bizilagunek salatu dute «bazterturik» daudela, eta elkarretaratze bat antolatu dute etzirako

Txomin Letamendiren sendiak justiziaren aitortza nahi du zikloa ixteko

Gipuzkoako Moeve gasolindegietako langileek bertan behera utzi dute greba