Erorketak saihesteko tailerra egingo dute Galtzarabordako kiroldegian
Erorketak 64 urtetik gorakoen artean lesio eragile nagusiak direla eta, horiei aurre egiteko tailerra antolatu dute Galtzarabordako kiroldegian.
Erorketak 64 urtetik gorakoen artean lesio eragile nagusiak direla eta, horiei aurre egiteko tailerra antolatu dute Galtzarabordako kiroldegian. Gizarte Zerbitzuek eta Kirol Patronatuak, osakidetzako osasun zentroekin, Eusko Jaurlaritzaren Osasun Sailarekin eta Serviocio S.L enpresarekin elkarlanean antolatu dute tailerra.
64 urtetik gorakoentzat eta horien familia edo zaintzaileentzat antolatu dute tailerra. Erorketen zergatia eta horiek saihesteko egin beharrekoak azalduko dituzte tailerrean eta baita bizimodu osasungarria eta ariketa fisikoa egitearen garrantzia. halaber, eskura ditugun laguntza teknikoen gaineko informazioa azalduko dute.
Bi saio teoriko praktiko
Tailerra bi saio teoriko praktikoetan egingo dute. Lehena, urriaren 7an 10:30etik 12:30era lehenengo taldearentzat, eta 16:00etatik 18:00etara bigarren taldearentzat. Tailerra doakoa da, baina aldez aurretik eman behar dela izena esan dute antolatzailek. Horretarako Galtzarabordako kiroldegiko harreran bertan eman dezakete izena interesdunek, edota 943 44 96 90 telefono zenbakira deituta. 
