Aurreko urteetan iniziatiba horrek arrakasta izan badu ere, zerbitzua egonkorra izan dadin gaia aztertzen ari dira eskualdeko udalak.
Altzate igerilekua, Lezon
Ikasturte berrian, eta behin-behineko erabaki bezala, Oarsoaldeko igerilekuen erabilera partekaturik ez da izango. Hau da, edozein herriko kirol txartelarekin, ezingo da beste herri bateko igerilekua erabili momentuz. Horren arrazoia da, udalek prentsa ohar bidez jakinarazi dutenez, iniziatibarekin aurrera jarraitzeko baldintzak aztertzen ari direla, “luzera begira egonkorra den proiektu bat egon dadin”.
Azken urteetan Errenteria-Oreretako, Lezoko eta Oiartzungo igerilekuak erabili ahal izan dituzte Oarsoaldeko lau herrietan kirol txartelak zituzten herritarrek, eta udalek esan dutenez, orain arteko balorazioa ona bada ere, gaiarekin nola aurrera egin aztertzen ari dira.