Udalak Torreatzeko pasealekua itxi du

Luizi batek eragin du San Pedroko puntetako pasealekuaren itxiera, udalak segurtasuna lehenestea erabaki duelako

olatz mitxelena

2015/10/21

Luizi baten ondorioz itxia egin dute Torreatze

Luizi baten ondorioz itxi egin dute Torreatze

Joan den irailaren 29an gertatutako luizi baten ondorioz, Pasaiako Udalak Torreatze pasealekua ixtea erabaki du. Udalak azaldu duenez, luizia gertatu bezain laster Ikerlur Geologia eta Geotecnia Estudioari eskatu zion premiazko txostena egiteko, luizia gertatu zen mendi-hegalaren egonkortasuna ezagutze aldera –zehazki, Kalparra eraikinaren eta 10. zenbakiko eraikinaren artean-. Ikerlurrek egindako lehen txostenean oinarrituta, oinezkoen pasabidea debekatu egin zuen udalak, “segurtasuna bermatzearren”. Ordutik azterlan zehatzagoa egin du enpresa berberak kaltetutako inguruan, eta atzo entregatu zizkion udalari ikerketaren emaitzak. Horretan oinarrituta erabaki dute pasealekua itxita mantentzea. Udalak azaldu duenez, bi lerroren arabera ari dira lanean: “Batetik, bidea irekitzeko modua egiten oinezkoen segurtasuna bermaturik, eta bestetik, mendi- hegalaren jabeekin harremanetan, mendi- hegala finkatzeko behar diren egonkortze lanak egitearren”. Horrenbestez, pasabide seguru bat prestatzeari ekin diotela aurreratu dute, eta horretarako luizietatik babesteko horma prefabrikatu bat instalatuko dutela iragarri, “behin-behineko neurri” gisa. Aurrerago, baina, egonkortze lanak egin beharko dituzte, eta lan horiek luze jo dezaketela ohartarazi dute, “horiek egiteko leku zailetara iritsi behar denez gero”. Gauzak honela, itxierak sor ditzakeen trabak ulertu eta eremu horretatik ibiltzeko debekua errespeta dezaten eskatu die udalak herritarrei.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Udalak Torreatzeko pasealekua itxi du

Gipuzkoa

Orio tentsio handiko eremu izendatzeko prozesua abiatzea onartu du Eusko Jaurlaritzak

Gizon bat hil da Anoetan, trenak harrapatuta

Donostiako Bagera euskaltzaleen elkartea omenduko dute piratek

Gipuzkoako Soziometroaren arabera, EH Bilduk irabaziko lituzke foru hauteskundeak, baina EAJk eta PSE-EEk gehiengo osoa lortuko lukete

BDZk salatu du Gipuzkoako enpresa batek eraikuntzako 3,68 tona material esportatu dituela Israelera

Erromatarrak bueltan dira

Gipuzkoako egoitzetan bizi diren lau lagunetik hiruk uste dute bizi kalitate ona dutela

Aiako txaleta eraisteko agindua berretsi du Auzitegi Gorenak

Eusko Jaurlaritzako Segurtasun Sailak salatu du futbol partida bateko epaile bati jazarri diotela ertzaina izateagatik

Zahar etxeetako gatazkari irtenbidea emateko eskatu dio ELAk Gipuzkoako Foru Aldundiari

Berastegi, Berrobi eta Elduain Tolosarekin lotzeko autobus zerbitzua indartuko du Gipuzkoako Foru Aldundiak