Aurtengo lehentasunen errepasoa, 2016ko aurrekontuen azalpena eta auzoetan garatzeko egitasmoak izango dituzte hizpide "elkar hartzeko errondan". Aurten ere auzoko zinegotzien figura mantenduko dute.
Gobernu Taldeko kideek atzo aurkeztu zuten auzoetako bileren egitasmoa
Auzo guztietako bizilagunekin elkartuko da Gobernu Taldea azaroan zehar parte hartzea sustatu asmoz.
Elkar hartzen lelopean egingo ditu batzar hauek zein hemendik aurrera egingo diren parte hartze egitasmo guztiak. Aurtengo lehentasunen errepasoa, 2016ko aurrekontuen azalpena eta auzoetan garatzeko egitasmoak izango dituzte hizpide “elkar hartzeko errondan”. Aurten ere auzoko zinegotzien figura mantenduko dute.
Auzo bakoitzak markatutako lehentasunen egoeraren berri emango du lehenik eta behin udalak. Aurrekontuei dagokionez, inbertsioei buruz arituko dira batik bat eta udalak eskuartean dituen egitasmo “potoloak” azalduko dizkiete bizilagunei. Auzo bakoitzean egin behar diren hobekuntza zein beharrak zerrendatuko dituzte, “lau urteetako perspektiba kontuan hartuta”, hau da, “lagealdiko ikuspegia izango duten proiektuak garatu nahi dira auzoetan, hartara udalak egitasmo handiagoak gauzatu ahal izango ditu auzo bakoitzean. Inbertsioak lau urtean zehar bideratzea izango da, beraz, Oiartzungo Udalaren filosofia”. Arraguan eta beste auzo jakin batzuetan urtetan zehar egon diren eskaerei erantzuteko “proposamen integrala” eramango dute bilerara. Hala, auzotarrek oniritzia ematen badiote, 2016an gauzatzen hasiko dira.
Egutegia
Arragua: Azaroak 3, asteartea, elizako lokalean, 19:30ean. Zinegotzi arduraduna: Juan Inazio Ansa.
Iturriotz: Azaroak 4, asteazkena, auzo lokalean, 19:30ean. Zinegotzi arduraduna: Agurtzane Lekuona.
Karrika: Azaroak 5, osteguna, Artaso Elkartean, 19:30ean. Zinegotzi arduraduna: Enekoitz Markos.
Ergoien: Azaroak 9, astelehena, Auzokalte Elkartea, 19:30ean. Zinegotzi arduraduna: Domi Azpiroz.
Ugaldetxo: Azaroak 10, asteartea, Atamitxen, 19:30ean. Zinegotzi arduraduna: Ioritz Aizpuru.
Altzibar: Azaroak 11, asteazkena, eskoletan, 19:30ean. Zinegotzi arduraduna: Eneritz Arbelaitz.
Elizalde: Azaroak 12, osteguna, Manuel Lekuona bibliotekan, 19:30ean. Zinegotzi arduraduna: Iñaki Pikabea.
