Ihoteak iragartzeko kartel lehiaketa jarri dute martxan
Azaroaren 30a izango da lanak aurkezteko azken eguna. Saridunak 200 euro jasoko ditu.
Ihoteak, iazko kuestazioa Ugaldetxo auzoan
- Edonork parte har dezake eta bakoitzak nahi adina kartel aurkez ditzake.
- Taldeka edo bakarka aurkez daiteke.
- Kartelak jatorrizkoak izan beharko dute. Orain arte argitaratutako argazki, kartel edo marrazkien kopiak ez dira onartuko.
- Kartela egiteko edozein teknika erabili daiteke.
- Kartelaren neurria 70x50cmkoa izango da (DIN A2).
- Kartelak ez du jaiaren izena, urtea… ez halako informaziorik idatzita edukiko. Urtea eta egitaraua ihote taldeak jarriko du inprentara eramaterakoan.
- Kartel guztiak ihote festaren inguruko gaiari buruzkoak izango dira: kuestazioa, ihotetako pertsonaia desberdinak…
- Formatu digitalean aurkeztu beharko da derrigorrez.
- Kartela komunikazioa[abildua]kataxulo.com helbidera bidali beharko da. Horrekin batera, testu-artxibo batean egilearen izen-abizenak, adina, helbidea, telefono zenbakia eta helbide elektronikoa agertu beharko da, eta ez postu elektronikoan bertan idatzita, beraz, bi artxibo bidali beharko dira: kartela eta datu pertsonalak.
- Epaimahaia Ihote Taldeko lagunek osatuko dute.
- Ihote Taldeak saritutako lana libreki moldatu, aldatu edo editatu ahalko du.
