Lurraldearen Zatikako Planaz hitz egiteko bilera irekia izango da astelehenean
Planeamenduko Aholku Kontseiluak bilera berezia egingo du Donostialdeko Lurraldearen Zatikako Planean Eusko Jaurlaritzak egin dituen aldaketak aztertzeko.
Planeamenduko Aholku Kontseiluak bilera berezia egingo du astelehenean Donostialdeko Lurraldearen Zatikako Planean Eusko Jaurlaritzak egin dituen aldaketak aztertzeko. Alegazioak azaroaren 15a bitarte jartzeko aukera dago. Bilera irekia izango da eta interesa duen orok parte har dezake. 19:00etan izango da, udaletxean.
Udalak 2010eko abenduan jarri zituen alegazioak eta 2014ko urte bukaeran ekarpen berriak egin zituen. Horien gaineko erantzunik, ordea, ez du jaso gaur gaurkoz.
