Luzuriagako aparkalekua urtea bukatu aurretik konponduko dute

Azkuene kalea asfaltatzeko lanak egin ahal izateko, Donostiako Udalarekin harremanetan jarri da Pasaia

olatz mitxelena

Oarsoaldea

2015/11/05

Luzuriagako aparkalekuan egin behar zituzten lanak, ezbaian

Luzuriagako aparkalekuan 400 ibilgailuentzako aparkaleku publikoa atonduko dute

Luzuriagan aparkaleku publikoa atonduko du udalak urtea bukatu aurretik. Lanak lehiaketara atera berri dituztela iragarri du, eta aparkalekuaren konponketan 216.000 euro inbertituko dituztela esan. Zehaztu dutenez, 9000 m2ko azaleran esku hartuko dute, 400 ibilgailurentzako aparkaleku publikoa antolatzeko. Luzuriagako lanak egin ahal izateko, udalbatzak lehengo irailaren 29an onartu zuen kreditu aldaketa. EH Bildu eta Pasaiak Ahal Du taldeek aurka bozkatu zuten, lanak egitea Eusko Jaurlaritzarekin eremu horretarako hitzartutakoa ez dela egingo onartzea dela argudiatuta. Izaskun Gomez alkateak, baina, ez dator bat oposizioarekin:”Ez dago epe motz edo ertainera Luzuriagako bigarren fasea gauzatzeko aurreikuspenik eta, eremu hori aparkatzeko erabili ohi denez, behar bezala egokitu beharra dago”, adierazi du, “aparkalekua erosoagoa, antolatuagoa eta seguruagoa izan dadin”. Dauden zuloak estaliko dituztela esan dute, asfaltoa bota aurretik lurra berdintzeko. Era berean, euri-urak behar bezala biltzeko drainatze-sarea ezarriko dutela jakinarazi dute, eta argiteria egokituko dela, aparkaleku osoa argiztatzeko. Aparkalekuak, gaur egun bezala, Kupeldegi kaletik izango du irteera eta sarrera, puntu bakarrean. Eguraldiak oztopatzen ez badu, lanak lau asteko epean egingo dituztela esan dute. Azkuene berritu nahi Trintxerpeko Azkueneko kalean ere berritze lanak egin asmo ditu udalak, eta kalearen jabetza Donostiako Udalarekin konpartitua denez, Izaskun Gomez alkateak gutuna bidali du Donostiako Udalera, “Pasaiako udal gobernuak Donostiako Udalarekin batera esku hartu nahi duela esanez, galtzada hori bi udalerrien artean hobetzeko”. Azkuene kaleak trafiko handia du, eta horrek asfaltoa kaltetu egin du. Inguruko bizilagunek aspalditik ari dira konpontzeko eskatzen, eta horrek bultzatuta egin dio Pasaiako Donostiako Udalari lanak bi udalen artean finantzatzeko proposamena.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Luzuriagako aparkalekua urtea bukatu aurretik konponduko dute

Gipuzkoa

Maixabel Lasari emango diote aurten Gipuzkoako Urrezko Domina

Hondarribiko Udalak kereila penal bat aurkeztu du Zaldunborda auziko dokumentazioa iker dadin

Xabier Morras, margoz emandako lekukotasuna

Yurrita e Hijoseko hamabi langile kaleratu dituztela salatu dute

Jarindo parke eolikoa egiteari uko egin dio Green Capital Powerrek

Bergarako eta Zarauzko IATetako lan gatazkan esku hartu dezala eskatu diote Jaurlaritzari

‘Superra’-ren aurrestreinaldia Azpeitian egingo dute, hilaren 28an

Xabi Alonsoren Igeldoko txaleta legezkoa dela ebatzi du EAEko Auzitegi Nagusiak

Irungo atxilotuen kasua «Poliziaren jukutriatzat» jo du Askek

Eusko Jaurlaritzak Bentaberriko babes ofizialeko 510 etxebizitzak erosiko dizkio Blackstone funtsari

Jon Insaustik esan du Donostian atzo etxegabetu behar zuten familiari «bizitoki bat» eskainiko diotela

Donostiako Antondegi eremuak landa izaerari eutsi behar diola defendatu du Antondegi Berdeak

Gipuzkoako baso suhiltzaileek salatu dute foru aldundiak zenbait zerbitzu eten dituela, baso suteen «arrisku handiko» sasoi betean