Metal doinuek hartuko dute Niessen Kulturgunea larunbatean
Beethoven R, Mandragora Negra, Insolenzia, Budasam, Evil Killer, Fear Crowd, eta Hironika taldeek hartuko dute parte jaialdian.
Metal doinuak izango dira nagusi larunbatean Niessen Kulturgunean, Metal Norte jaialdiaren eskutik. Beethoven R, Mandragora Negra, Insolenzia, Budasam, Evil Killer, Fear Crowd, eta Hironika taldeek hartuko dute parte jaialdian. 17:00etan zabalduko ditu ateak kulturguneak metal jaialdia hartzeko, eta antolatzaileek galdu ezin den festa izango dela Metal Norte jaialdia esan dute: “Musika, opari eta giro ahaztezina izango dira larunbatean”.
Sarrerak 15 euroan eskura daitezke jaialdi aurretik Errenteria-Oreretako Touring eta Noray tabernetan zein Niessen kulturgunean; Donostiako Donosti Rocken; Irungo Baserri Rock & meat; Ermuako Bar Skorpio; Bilboko Elmetel eta Gasteizko Cafe Guitar Companyn. Egunean bertan ere izango da sarrerak erosteko aukera 18 euroan.
Death Metal United Fest
Metalak ere izango du beste tarterik hilabete honetan bertan, 21ean zehazki. Oarsomusikak Music Resists elkartearekin elkarlanean antolatuta, Death Metal United jaialdiaren lehen edizioaizango da. Aposento (Logroño, Espainia), Teratoma (Bartzelona, Herrialde Katalanak), Ataxia F. (Briones, Errioxa, Espainia); Impio (Hernani) eta Bloody Brotherhood (Donostia) taldeak ariko dira Niessen kulturgunean. Sarrerak 10 euro balio ditu. 
