Igandean Aita Manuel Eguna ospatuko dute; horrez gain, bost kontzertu programatu dituzte
Aita Manueli San Pedroko bere jaiotetxean jarritako argazkiak eta bertsoa
Ondartxo Abesbatzak antolatuta, bihar -hilak 12– hasiko da San Pedron Musika Abesbatza Astea. Antolatzaileek emango dute lehen kontzertua, 20:00etan, elizan, eta etzi, toki eta ordu berean,
Zu etxerako Manuel izenburupean urtetan San Pedroko traineruaren patroia izandakoaren bizitza kontatuko dute, abesti eta argazki egokituek lagunduta. Larunbatean, berriz, Donostiako Ozenki otxoteak abestuko du San Pedroko elizan, 20:30ean.
Aita Manuel Eguna, berriz, igande goizean ospatuko dute. 10:00etan txistularien diana izango da, eta 11:00etan irtengo dira Tirri Tarra fanfarrea eta danborrada. Ordubete beranduago, 12:00etan, San Pedrok Aita Manuel patroi zela irabazitako banderekin desfilea egingo dute Torretik irten eta elizaraino, eta 12:30ean ospatuko dute meza. Ondoren, 13:15ean, elizatik Aita Manuelen etxeraino egingo dute desfilea.
Hurrengo asteburuan, Usandizaga gogoan
Musika Abesbatza Asteak hurrengo asteburuan jarraituko du. Hilaren 19an, Araoz Gazte Abesbatzaren kontzertuarekin Jose Maria Usandizagaren heriotzaren mendeurrena ospatuko dute, 20:00etan, elizan.
Sotto Vocce soka laukotearen kontzertuak itxiko du aurtengo Musika Astea, hilaren 20an, 20:00etan, elizan.