Espainiako bandera, 'neurri ofizialekoa', jarrita dago udaletxean

Alkatea eta gobernu taldea bandera jartzearen kontra egon arren, "behartuta" jarri dutela esan dute.

2015/11/24

Ikurrinaren ondoan, Espainiako bandera udaletxeko areto nagusian

Gaur goizean (asteartea), 08:15 inguruan, Espainiako bandera handi bana jarri dituzte Lezoko udaletxeko balkoi nagusian, eta barrualdean, pleno areto nagusian. Neurri ofizialekoa da, hau da, 1,5×2,5 metroko neurrikoa. Kepa Garbizu alkateak horren berri emateko agerraldia egin du gaur, “behartuta jarri dugu”, esan du, “kargugabetze arriskua zegoen neure kontra”. Ikurrinarekin konpartitzen ditu bandera horrek udaleko tokirik esanguratsuenak orain. 2012ko errekerimendu baten harira dator ikur hori jartzea. Horretan, Carlos Urkijo Espainiako Gobernuak EAEn duen ordezkariak azaldu zuen, Espainiako legedia bete behar zuela Lezok ere ikurren gaian, Espainiako bandera udalean nahiz pleno areto nagusian “lehentasunezko tokian” jarriz . Ordutik, errekerimendu horri hainbat auzibide bitartez aurre egin dio udalak, 2014n bandera gorri eta horia jarri zen arte, bandera txiki bat, balkoi nagusiko barandaren neurrikoa gutxi gorabehera. Beti ez da egon bandera hori jarrita, ordea, lapurtu ere egin zutelako. 2014ko martxoaren 27an egindako udalbatzarrean, zinegotzien gehiengo zabalak adierazpena onartu zuen, esanaz nahiz eta Espainiako bandera jartzera behartu “indarraren legez eta legearen indarrez”, herritarren borondatearen kontrakoa zela hori: “Bandera espainiarra zigor mehatxupean ezarritako sinboloa da gure erakundean. Lezoar gehienon nahiaren aurka eta beren ordezkarien erabakimenaren kontra jarria dago. Herritarren borondatearekiko errespetu falta da, askatasunez erabakitzeko eskubidearen ukapena”. Adierazpen horren testuarekin plaka jarrita dago udaletxearen atarian. Garbizuk horrekin guztiz bat egiten duela esan du gaurko agerraldian, hark eta gobernu taldeak, “baina eskutik lotuta gaude, kezka handia dugu”.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Espainiako bandera, 'neurri ofizialekoa', jarrita dago udaletxean

Gipuzkoa

Biriketako transplante baten zain dagoen Donostiako bizilagun bat, etxetik egotzia izateko zorian

Tolosa eta Beasain lotzen dituen Renfeko tren zerbitzua etengo dute abuztuaren 29tik irailaren 1era

Salmonellosi agerraldi batek 29 pertsonari kalte egin die Eibarren

Pasaiako eta Lezoko alkateek «erantzunak eta neurriak» eskatu dituzte portuko sutearen harira

Gizon bat atxilotu dute Irunen, prostituzio etxe batean emakume bati sexu erasoa egitea egotzita

KASek salatu du Donostiako Udaltzaingoa «jazartzen» eta «zigorra ezartzen» ari zaiela ogitartekoak banatzen dituzten herritarrei

Hondarribiko alarde baztertzailearen aldekoek utzi egin dute konponbiderako elkarrizketa prozesua

GHKk espediente bat irekiko du Zubietako erraustegiko sutearen nondik norakoak argitzeko

Donostiako Harrera Sareak salatu du lau kide identifikatu dituztela etxegabeei janaria emateagatik