Koxme Lizaso bertsolari zenari omenaldia egingo diote larunbat honetan (hilak 12). Omenaldia udaletxeko areto nagusian izango da, 17:30ean hasita.
Ander Lizarralde (bertsolaria), Pili Lizaso (Koxme Lizasoren alaba), Josune Cousillas (Kultura zinegotzia) eta Antton Kazabon (bertsolaria)
Koxme Lizaso bertsolari zenari omenaldia egingo diote larunbat honetan (hilak 12). Omenaldia udaletxeko areto nagusian izango da, 17:30ean hasita; dohainik bada ere, aretoa bete arteko lekua izango da, toki mugatua baitu.
Ordu eta erdi pasatxoko saioa prestatu du antolatzaileak, Oiartzungo Udalak. Ander Lizarralde bertsolariak gidatutako ekitaldian Lizasoren senideek, Jexux Leonet alkaetak, Josune Cousillas Kultura zinegotziak, Txomin Garmendia plazetan Lizasoren adiskide min izandakoak eta Antton Kazabon Oiartzungo Bertso Eskolako kideak parte hartuko dute.
Lizasoren argazki zaharrak ikusteko eta berak kantatutako bertso batzuk entzuteko aukera izango da; horrez gain, Exteban Martiarenak egin zion elkarrizketaren pasarte batzuk entzungo dituzte bertaratuko direnek.
Gero, Lizarralde gai jartzaile gisa, bertso saioa izango da Amets Arzallus, Patxi Etxeberria, Jon Martin eta Anjel Mari Peñagarikano bertsolariekin.