Portuko metatutako trafikoak %1,3 hazi dira azaroan, iazkoarekin alderatuta

Hazkunde positiboa izan arren, urteko progresioa eten egin da apur bat. Ibilgailuek, ongarriek eta paperaren trafikoak nabarmen egin dute gora.

Erik Gartzia

Pasaia

2015/12/10

Autoen eta furgoneten trafikoa etengabe ari da gora azken hilabetetan

Ibilgailu gehienak Erresuma Batura esportatzen dituzte

Pasaiako Portu Agintaritzak azaroko trafikoaren gaineko datuak eman ditu. Horrela, pasa den hileko trafiko metatua %1,3 hazi zen, 2014ko azaroarekin alderatuz gero. Agintaritzak, hala ere, igoera hori urteko hazkundearekin bat ez datorrela adierazi du, handiagoa baita. Azaroko trafikoaren geldotzea txatarra eta siderurgia trafikoak eragin dute: iazko datuak baino hobeak badira, ez da asko hazi. Autoen garraioak, berriz, metatutako %14,06ko hazkundea izan du. Kopuru onak dituzte, baita ere, ongarrien zein papera eta pastaren garraioek —%22,68 eta %18,83, hurrenez hurren–. Produktu siderurgikoek eta zerealek hazkundea izan dute. Beste trafikoak Anbereseko (Belgika) portuarekin duen edukiontzi-lerroan 356 TEU mugitu ditu Pasaiakoak. Urte osoko metaketa 2.789 TEUkoa da. Arrantzaren kasuan, iazko azaroan baino %10,8 arrain kopuru gehiago harrapatu dituzte. Alemaniak jarraitzen du deskargatutako merkantzien jatorri nagusia izaten. Bereziki altzairuzko bobinak eta xaflak inportatzen dituzte. Kontrara, Erresuma Batua da esportazio gehien jasotzen duena: profilak eta ibilgailuak jasotzen dituzte gehienbat.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.